Sionist rejimi Qəzzənin Əl-İsra Universitetini 3000 tarixi əsərlə birlikdə dağıdıb.
Fələstin İnformasiya Mərkəzinin verdiyi hesabata əsasən, sionist rejiminin ordu qüvvələri Qəzzənin Əl-İsra Universitetinin binasına hücum etməklə, onu 3000 tarixi əsərlə birlikdə məhv ediblər.
Qəzzə şəhərindəki Əl-İsra Universitetinin rəhbərliyi universitet binasının israilli işğalçılar tərəfindən dağıdılmasını pisləyib.
Universitetin məsul şəxsləri bu universitetdə 3000-dən çox tarixi və qədimi əsərin saxlanıldığını bildiriblər.
Digər tərəfdən də, sionist rejimi ötən saatlar ərzində Qəzzə zolağının müxtəlif bölgələrinə çoxsaylı hücumlar etməklə bir sıra fələstinlini qətlə yetirib.
Sionist rejiminin hərbiçiləri Qəzzə zolağının cənubunda yerləşən Xan Yunisin qərbini ağır artilleriya hücumlarına məruz qoyublar. Digər tərəfdən də, Xan Yunisin qərbindəki bir evin bombalanması nəticəsində 5 fələstinli şəhid olub və digər 8 nəfər isə yaralanıb.
Həmçinin sionist rejiminə aid qırıcılar Qəzzə şəhərini və bu zolağın şimalını geniş şəkildə bombalayıblar.
Qəzzə şəhərində yerləşən Şəfa xəstəxanasının yaxınlığındakı bir evin bombalanması nəticəsində də Fələstin vətəndaşlarından bir neçəsi şəhid olub.