İşğalçı İsrail ordusu son cinayətində Qəzzənin şərqindəki Şucaiyyə məhəlləsini yeni silahdan istifadə edərək bombalayıb və indiyədək 84 fələstinlini öldürüb və yaralayıb.
Fələstin mənbələri və Qəzzə zolağındakı bir xəstəxana İsrail rejiminin çərşənbə günü Qəzzənin şərqindəki Şucaiyyə bölgəsində fələstinlilərə qarşı yeni silahdan istifadə etdiyini, nəticədə 29 fələstinlinin şəhid olduğunu, 55 nəfərin isə yaralandığını açıqlayıb.
Tibb mənbələri bu cinayətin şəhidlərinin sayının hər an arta biləcəyini açıqlayıb. Şəhidlər və yaralananlar arasında çoxlu uşaqlar da var.
Yeni və ağır raketlərlə Şucaiyyəyə hücum
Qəzzə Səhiyyə Nazirliyinin sözçüsü verdiyi müsahibədə bildirib: İşğalçı rejim ağır raketlərlə Şucaiyyə bölgəsini hədəf alıb.
O, deyib: “Şucaiyyə məhəlləsində çoxlu sayda şəhid və yaralı hələ də dağıntılar altında qalıb”. Bu ərazidən bizə çatan yaralıların əksəriyyətinin vəziyyəti ağırdır.
Qəzzə Səhiyyə Nazirliyinin sözçüsü vəziyyətin sözün əsl mənasında fəlakətli olduğunu açıqlayaraq, “Vətəndaşları qan vermək üçün Məmədani Xəstəxanasına gəlməyə çağırırıq” deyib.
O, qeyd edib: İşğalçı rejim Qəzzə zolağında uşaqları hədəfə alır.
Qəzzəyə Yardım və Xilasetmə Təşkilatının sözçüsü də deyib: Bu hücumun qurbanlarının sayı 50 nəfərə qədər arta bilər.