Sionist rejimin Qəzzə zolağına təcavüzünün davam etməsi nəticəsində müharibənin əvvəlindən bu bölgədə şəhidlərin ümumi sayı 64 656 nəfərə çatıb.
Xarici KİV-in məlumatına görə, Qəzzə Səhiyyə Nazirliyi son 24 saat ərzində bölgədə 41 nəfərin şəhid olduğunu, 184 nəfərin isə yaralandığını açıqlayıb.
Bu şəhidlərdən 12-si yardım paylama məntəqələrində şəhid olub, 30-u isə yaralanıb və bununla da ““bir tikə çörək şəhidləri” adlı humanitar böhranda şəhid olanların sayı 2 456, yaralıların sayı isə 17861-dən çox olub.
Son 24 saat ərzində aclıq və qida çatışmazlığı səbəbindən biri uşaq olmaqla, 5 nəfər şəhid olub, bununla da aclıqdan şəhid olanların ümumi sayı 141-i uşaq olmaqla, 404-ə çatıb.
2025-ci il Martın 18-də Qəzzəyə təcavüzün yeni mərhələsi başlayandan indiyədək 12 098 nəfər şəhid olub, 51 462 nəfər isə yaralanıb.
Bu şəhidlər də daxil olmaqla, əl-Əqsa Fırtınası əməliyyatının başladığı 7 Oktyabr 2023-cü ildən bu yana Qəzzədə şəhid olanların ümumi sayı 64 656, yaralıların sayı isə 163 503 nəfərə çatıb.
Bu, İsrail döyüş təyyarələri və helikopterlərinin bu yaxınlarda Qəzzə şəhərində bir neçə yaşayış məntəqəsini, o cümlədən əl-Ruya qülləsini hədəf alan bir sıra hava və quru hücumları həyata keçirdiyi vaxta təsadüf edib.
Yayılan görüntülər hücumlardan sonra yaşayış qülləsinin tamamilə dağıldığını göstərir.
Müharibə siyasətlərini davam etdirən İsrail ordusu Qəzzə şəhərindəki yaşayış qüllələrini növbəti dəfə hədəfə alıb; Fələstinin rəsmi və hüquqi qurumlarının məcburi köçkünlüyün bariz nümunəsi, beynəlxalq hüququn açıq şəkildə pozulması və şəhəri sakinlərindən boşaltmaq üçün təşkil edilmiş prosesin bir hissəsi hesab etdiyi bir hərəkət.