Fələstin Səhiyyə Nazirliyi İsrail rejiminin Qəzzə zolağına hücumları nəticəsində şəhid olanların sayının artdığını və bu hücumların başladığı 7 Oktyabr 2023-cü ildən bugünə qədər 56412 Fələstin vətəndaşının şəhid olduğunu açıqlayıb.
Xarici KİV-in verdiyi məlumata görə, Qəzzə zolağındakı Fələstinin Səhiyyə Nazirliyi şənbə günü son statistik məlumatında açıqlayıb: Ötən 24 saat ərzində İsrailin Qəzzə zolağına hücumları nəticəsində daha 81 nəfər şəhid olub, 422 nəfər isə yaralanıb.
Yardımın təmin edilməsində yaranan çətinliklərdən narahatlığını ifadə edən nazirlik, bir sıra qurbanların hələ də binaların dağıntıları altında və ya küçələrdə qaldığını, bombardmanların intensivliyi səbəbindən yardım və mülki müdafiə qüvvələrinin onlara kömək edə bilmədiyini bildirib.
Bu hesabata görə, 2025-ci il Martın 18-dən indiyə qədər Qəzzə zolağında qeydə alınan şəhidlərin sayı 6089 nəfərə, yaralıların sayı isə 21013 nəfərə yetişib.
Fələstin Səhiyyə Nazirliyinin bəyanatında, həmçinin bildirilib ki, İsrail rejimin 7 Oktyabr 2023-cü il tarixində Qəzzəyə hücumlarının başlamasından bu yana qurbanların ümumi sayı 56412 şəhidə, 133054 yaralıya çatıb.
Əlaqədar xəbərlər
