Tibbi mənbələr işğalçı rejimin Oktyabrın 7-də Qəzzəyə qarşı hücumları başlayan vaxtdan indiyədək fələstinli şəhid uşaqların sayının 13430 nəfərə yüksəldiyini bildiriblər.
Verilən məlumata əsasən (4 Mart), İsrailin hücumları başlayandan etibarən Qəzzədə həyatlarını itirənlərin ümumi sayı 30 min 534 nəfər şəhid və yaralıların sayı isə 71 min 920 nəfərdir. həmçinin minlərlə insan hələ də dağınıtlar altındadır.
Tibbi mənbələrdən verilən məlumata görə, indiyə qədər 13430 uşaq və 8900 qadın şəhid olub.
Digər tərəfdən də qida çatışmazlığı, su qıtlığı və müalicənin olmaması səbəbilə həyatlarını itirən fələstinli uşaqların sayı 16 nəfərə yüksəlib.
Bununla əlaqədar olaraq Qəzzə Səhiyyə Nazirliyi bəyanat yayaraq bildirib: İşğalçı rejimin ordusunun Qəzzəyə olan hücumlarının 150-ci günündə 364 nəfər tibb işçisi şəhid olub, 269 nəfər isə sionist rejimi tərəfindən həbs olunub.
Bu bəyanatda deyilir: Düşmən 155 sağlamlıq mərkəzini dağıdıb və 32 xəstəxananın, 53 tibb mərkəzinin bağlanmasına səbəb olub, 126 ədəd təcili yardım maşınını isə hədəfə alıb.