Fələstinli jurnalist Mötəz Məhəmməd Rəcəbin İsrail rejiminin hava hücumunda şəhid olmasından sonra Fələstin hökumətinin Qəzzə zolağındakı media ofisi bu rejimin Qəzzə zolağına hücumundan sonra media şəhidlərinin sayının artdığını açıqlayıb.
Xəbər saytlarından birinin məlumatına görə, Fələstin hökumətinin Qəzzə zolağındakı media ofisi İsrail rejiminin işğalından sonra media şəhidlərinin sayının 221-ə yüksəldiyini açıqlayıb.
Bu rəqəm İsrail rejiminin Qəzzə şəhərinin ən-Nəfəq küçəsinə endirdiyi hava hücumunda Mötəz Məhəmməd Rəcəbin şəhid olmasından sonra açıqlanıb.
Ofis işğalçı rejim tərəfindən fələstinli jurnalistlərin hədəfə alınaraq öldürülməsi və sui-qəsd edilməsini pisləyən bəyanat yayaraq, bunu Qəzzədə həqiqətin səsini boğmaq məqsədi daşıyan siyasətin bir hissəsi adlandırıb.
Fələstin hökumətinin Qəzzədəki media ofisi də Beynəlxalq Jurnalistlər Federasiyası, Ərəb Jurnalistlər Birliyi və dünyanın bütün media qurumlarını fələstinli jurnalistlərə və media fəallarına qarşı davam edən bu cinayətləri pisləməyə və onları dayandırmaq üçün hərəkətə keçməyə çağırıb.
Bu bəyanatda sionist rejim, ABŞ hökuməti və onun “soyqırım cinayəti”ndəki müttəfiqləri, o cümlədən İngiltərə, Almaniya və Fransanın bu vəhşi cinayətlərə görə birbaşa məsuliyyət daşıdıqları qeyd olunub.
Beynəlxalq ictimaiyyət, dünya üzrə media fəaliyyəti ilə bağlı beynəlxalq qurum və təşkilatlar da sionist rejimin cinayətlərini pisləməyə, bu cinayətləri törədənlərin beynəlxalq məhkəmələrdə həbsi və mühakimə olunması üçün tədbirlər görməyə, Qəzzədə soyqırımın dayandırılması və jurnalistlərin həyatlarının qorunması üçün ciddi və təsirli təzyiqlər göstərməyə çağırılır.
Bu arada nəşr olunan xəbərlər sionist rejimin cinayətkarlığı və Qəzzə zolağının müxtəlif bölgələrinə hava və artilleriya hücumlarının davam etdiyini göstərir. Son saatlarda bu zolağa edilən hücumlarda onlarla fələstinli şəhid və yaralanıb.
Fələstin İnformasiya Mərkəzinin ötən cümə axşamı günü verdiyi məlumata görə, sionist rejimin döyüş təyyarələri son hücumda Qəzzənin şimalındakı Cəbaliya bölgəsində yerləşən əl-Hələbi meydanı yaxınlığındakı Əzzam ailəsinin evini hədəfə alıb və bu günə qədər biri uşaq olmaqla, 6 nəfərin şəhid olması, bir neçəsinin isə yaralanması ilə nəticələnib. Dağıntılar altında itkin düşənlərin tapılması istiqamətində də işlər davam etdirilir.
Digər tərəfdən Fələstin xəstəxana mənbələrinə istinadən verilən məlumata görə, bir neçə gün öncə İsrail rejiminin Qəzzənin müxtəlif bölgələrinə təşkil etdiyi hücumlarda son 24 saatda şəhid olan fələstinli şəhidlərin sayı 63-ə çatıb.
Əlaqədar xəbərlər
