Fələstinli jurnalist Həsən İslihin terrora məruz qalmasından sonra Qəzzədə şəhid olan jurnalistlərin sayı 215-ə çatıb.
Yayılan görüntülər göstərir ki, Həsən İslih Xan Yunisdəki Nasir xəstəxanasında müalicə üçün yatdığı zaman sionist rejimin dron hücumu ilə şəhid olub.
Qəzzə Dövlət İnformasiya Mərkəzi: Əvvəlki sui-qəsddən sonra müalicə üçün Nasir Tibb Kompleksində yatan Həsən İslihin şəhid olması ilə Qəzzədə şəhid olan jurnalistlərin sayı 215 nəfərə yüksəlib.
Qəzzə Dövlət İnformasiya Mərkəzi işğalçı rejim tərəfindən fələstinli jurnalistlərin sistematik olaraq hədəfə alınması, öldürlməsi və sui-qəsd olunmasını şiddətli şəkildə pisləyib. Mərkəz dünyadakı bütün jurnalist qrumlarından Qəzzədəki müxbir və jurnalistlərə qarşı törədilən bu cinayətləri pisləmələrini istəyib.
Qəzzə Dövlət İnformasiya Mərkəzi, həmçinin bildirib: Biz işğalçı rejimi, ABŞ-ı və İngiltərə, Almaniya, Fransa kimi soyqırım cinayətində iştirak edən ölkələri bu vəhşi və iyrənc cinayətə görə tam məsuliyyət daşıyan tərəflər hesab edirik.
Bu qrum vurğulayıb: Biz beynəlxalq ictimaiyyəti, beynəlxalq təşkilatları və media fəaliyyəti ilə bağlı aidiyyəti qurumları dünyanın bütün ölkələrində işğalçı rejimin bu cinayətlərini pisləməyə və onları beynəlxalq məhkəmədə məsuliyyətə cəlb etməyə çağırırıq. Eyni zamanda, biz onlardan kütləvi qətliam cinayətlərini dayandırmaq, Qəzzə zolağında müxbir və jurnalistlərin qorunması, onların qətlə yetirilməsi və terror edilməsinin qarşısını almaq üçün ciddi və təsirli tədbirlər görmələrini tələb edirik.