Xəbər mənbələri Qəzzə zolağında şəhid olan jurnalistlərin sayının 165 nəfərə yüksəldiyi barədə məlumat veriblər.
Xarici KİV-in verdiyi məlumata görə, Qəzzə zolağında şəhid olanların sayı artıb.
Qəzzə zolağındakı Dövlət İnformasiya Ofisi açıqlama verərək bildirib: Oktyabr ayının 7-də Qəzzə zolağına qarşı müharibə başlanan vaxtdan indiyə qədər 165 jurnalist sionist rejimi tərəfindən şəhid edilib.
Bundan öncə Qəzzə zolağındakı yerli mənbələr xəbər agentliklərindən birinin İsmail əl-Ğəvl adlı jurnalistinin və bu agentliyin Rami ər-Reyfi adlı fotoqrafının şəhid edildiyi haqda məlumat veriblər. Onlar şəhid İsmail Həniyənin evinin yaxınlığında sionist rejiminin onların avtomobilinə olan hücumunda şəhid olublar.
Bu xəbər qrupu reportaj hazırlamaq üçün şəhid İsmail Həniyənin evinə tərəf getməkdə idi ki, sionist rejiminin hücumuna məruz qalıb.