Qəzzədə ölüm gündəlik bir hadisəyə çevrilib və Qəzzə Səhiyyə Nazirliyi son statistikalarında, əksərən qadınlar və uşaqlardan ibarət onlarla insanın şəhid olduğunu bildirib.
Xarici KİV-in verdiyi məlumata görə, Qəzzədə insanların ölüm sayı indi yalnız mediaya yansıyan bir rəqəmdən ibarətdir. Fələstin Səhiyyə Nazirliyi dünən (çərşənbə günü) son 24 saat ərzində 97 nəfərin şəhid olduğunu və 440 nəfərin yaralanıb, Qəzza Zolağındakı xəstəxanalara aparıldığını bildirib.
Şəhidlər arasında, bir neçə ay əvvəl şəhid olan və xilasedici qüvvələrin dünən onları dağıntı altından çıxardığı iki nəfər də var.
Qəzzə Səhiyyə Nazirliyi xəbər verib ki, hələ də minlərlə cəsəd dağıntıların altından və küçələrdən çıxarılmayıb və xilasedici qüvvələr və mülki müdafiə qüvvələri onlara yardım göstərə bilmirlər.
Bu nazirliyin verdiyi məlumata görə, İsrail rejiminin hücumlarına 7 Oktyabr 2023 tarixində başlanıldığından bəri ümumi şəhid sayı 54607 nəfər, yaralı sayı isə 125341 nəfər olub. Yalnız 18 Mart 2025 tarixindən indiyə qədər 4335 nəfər şəhid olub və 13300 nəfər isə yaralanıb.
The Lancet tibbi jurnalında yayımlanan bir araşdırmaya görə, rəsmi şəhid sayı real vəziyyətdən 41% daha az ola bilər ki, bu da, əsl qurban sayının 70000-dən çox ola biləcəyini göstərir.
Qəzzə Dövlət İnformasiya Mərkəzi dəfələrlə qeyd edib ki, Qəzzə Səhiyyə Nazirliyinin açıqladığı şəhid statistikası yalnız xəstəxanalara gətirilənlərə aiddir və əsl rəqəm daha yüksəkdir.