İsrail rejiminin ordusu Qəzzə şəhərinin əd-Dərc məhəlləsindəki Fəhmi əl-Cərcavi məktəbində qaçqınlara qarşı dəhşətli cinayət törədib və hücumları onların cəsədlərinin yandırılmasına səbəb olub.
Xarici KİV-in verdiyi məlumata görə, bu gün səhər (bazar ertəsi) İsrail rejiminin hücumları Qəzzə şəhərinin mərkəzində qaçqınların məskunlaşdığı məktəbi hədəfə alıb, aralarında uşaqlar da daxil olmaqla, 30 fələstinli həyatını itirib, onlarla insan isə yaralanıb.
Qəzzə zolağının Mülki Müdafiə Təşkilatı İsrail döyüş təyyarələrinin Qəzzənin mərkəzində yerləşən əd-Dərc məhəlləsində yerləşən və qaçqınlar üçün sığınacaq kimi istifadə edilən Fəhmi əl-Cərcavi məktəbinə hava hücumu təşkil etdiyini açıqlayıb.
Tibb mənbələri partlayışdan sonra şəhidlərin yanmış cəsədlərinin çıxarıldığını açıqlayıb.
Hücum nəticəsində yanıq xəsarətləri alan uşaqlar da təxliyə edilib.
Məktəbin bombalanmasından sonra onu əhatə edən yanğından xilas olmağa çalışan kiçik qızın dəhşətli videosu sosial şəbəkələrdə yayılıb.
Digər tərəfdən, Qəzzə zolağının cənubundakı Xan Yunis şəhərinin şərq bölgələri İsrailin hava və artilleriya hücumlarında hədəfə alınıb.
Qəzzə zolağının mərkəzindəki Deyr əl-Bələhin şərqində işğalçı rejim tərəfindən də artilleriya hücumları həyata keçirilib.
Əlaqədar xəbərlər
