Sionist işğalçılar Qəzzə zolağında baş verən həqiqətləri çatdıran səsləri susdurmaq məqsədilə apardıqları bir ildən artıq davam edən müharibədə, jurnalistlərin qətli sahəsində yeni bir rekord qeydə alıblar.
Yayımlanan statistikalar göstərir ki, Qəzzədə şəhid olan jurnalistlərin sayı, Birinci və İkinci Dünya Müharibəsində, həmçinin Rusiya-Ukrayna və Vyetnam müharibələrində öldürülən jurnalistlərin ümumi sayını geridə qoyub.
Fələstin mənbələrinin təqdim etdiyi son statistikaya əsasən, sionist rejimin Qəzzə zolağına qarşı 7 Oktyabr 2023 tarixindən bəri başladığı soyqırımı savaşında indiyə qədər 211 jurnalist şəhid olub.
Sionist rejimin Qəzzədə apardığı qeyri-bərabər müharibə zamanı jurnalistlərin, insan haqları təşkilatlarının və beynəlxalq qurumların bu rejimin jurnalistlərə qarşı hücumlarının qarşısını almaq üçün ciddi tədbirlər görməsi tələb olunub. Lakin bu cinayətkar rejim bütün bu çağırışlara məhəl qoymayaraq jurnalistləri və informasiya mərkəzlərini hədəfə almaqda davam edir.
Sionistlərin son günlərdə törətdiyi cinayətdə İsrail ordusunun ət-Tuffah məhəlləsində yerləşən Həsunə ailəsinin evinə həyata keçirdiyi hava hücumu nəticəsində fələstinli jurnalist Fatimə Həsunə və daha 9 fələstinli həyatını itirib.