Sionist rejiminin Qəzzə zolağına qarşı hücumlarının başlamasından 100 gündən çox bir vaxt keçikdən sonra sionist işğalçılarının Qəzzə zolağının müxtəlif hissələrinə qarşı hücumları bu gün səhər saatlarında da dayanmayıb və şiddətlənib.
Sionist rejiminin vəhşi hücumları, xüsusən də Qəzzə zolağının cənubunda yerləşən Xan Yunis şəhərindəki Nasir xəstəxanasının ətraf məntəqələrinə qarşı artilleriya hücumları şiddətlənib.
Sionist rejiminə aid qırıcılar da Qəzzə zolağının cənubunda yerləşən Rəfəh şəhərinə qarşı bir neçə hücum həyata keçiriblər. Qəzzə zolağının mərkəzində yerləşən Ən-Nəsirat düşərgəsi də bugün səhər saatlarında rejimin qırıcılarının atəşləri altında qalıb.
Xarici KİV-in verdiyi məlumata görə, Xan Yunisdə yerləşən Bətn əs-Səmin məntəqəsində və Əl-Əməl məhəlləsində toqquşmalar və güclü hücumlar baş verib. Sionist rejiminin qırıcıları Xan Yunis düşərgəsindəki Əl-Faruq məscidini də bombalayıblar.
Müqavimət qüvvələri də sionist rejiminin bu cinayətləri müqabilində sakit dayanmayıblar. Belə ki, Qəssam batalyonları dünən gecə bildiriblər ki, sionist rejiminin fələstinli mülki vətəndaşlara qarşı cinayətlərinə cavab olaraq Tel-Əvivə raket zərbəsi endiriblər.