Xarici KİV-in cümə axşamı səhər saatlarında verdiyi məlumata görə, İsrail rejiminin son bir gün ərzində Qəzzə zolağına qarşı hücumları zamanı 78 fələstinli şəhid olub.
Xarici KİV-in tibbi mənbələrə istinadən verdiyi məlumata əsasən, çərşənbə səhərindən cümə axşamı səhərə kimi sionist rejimin Qəzzə zolağına hücumları zamanı 78 fələstinli şəhid olub.
Qəzzə zolağındakı müxbirlərdən biri deyib: “İsrail qüvvələri bu zolağın mərkəzində, Vadi Qəzzə bölgəsinin cənubunda, Səlahəddin küçəsində kömək istəyən insanları hədəfə alıb”.
Həmçinin bildirilib ki, sionist işğalçılar Qəzzənin qərbində Şeyx Rizvan məhəlləsində qaçqınlar üçün sığınacaq olan məktəbi bombalayıblar.
Fələstin mənbələri, həmçinin bildiriblər ki, İsrail təyyarəsi Qəzzə zolağının cənubunda yerləşən Xan Yunis şəhərinin qərbindəki əl-Məvasidə qaçqınların məskunlaşdığı çadırı bombalayıb.
Əlaqədar xəbərlər
