İsrail ordusunun şənbə günü səhər saatlarından Qəzza zolağının müxtəlif bölgələrinə hava hücumları və artilleriya hücumları nəticəsində azı 26 Fələstin vətəndaşı şəhid olub, bir neçə nəfər isə yaralanıb.
Xarici KİV-in verdiyi məlumata görə, Qəzzə zolağındakı tibb mənbələri şənbə günü səhər saatlarından etibarən İsrail ordusunun Qəzzə zolağının müxtəlif bölgələrinə hücumları nəticəsində azı 26 Fələstin vətəndaşının həlak olduğunu və çoxlu sayda insanın yaralandığını bildirib.
İsrail ordusu mühasirədə olan Qəzzədə soyqırımını davam etdirir və bu soyqırım hər gün onlarla insanın şəhid olmasına və yaralanmasına səbəb olur. Müharibə nəticəsində əksəriyyəti qadın və uşaq olmaqla 195 mindən çox şəhid və yaralı var. Bu, işğalçı ordunun yemək axtaran insanlar üçün ölüm pusquları qurmağa davam etdiyi bir vaxtda baş verir. BMT-nin İnsan Haqları Ofisi ötən May ayının sonundan Qəzzədə yardım alarkən 798 fələstinlinin şəhid olduğunu açıqlayıb.
Fələstin mənbələrinin verdiyi məlumata görə, bundan əvvəl də 45 nəfər şəhid olub, onlardan 11-i qida paylamaq üçün yardım paylama mərkəzlərinə gedənlər olub.
Fələstin mənbələri işğalçı qüvvələrin Qəzzə şəhərinin qərbində yaşayış mənzilinə endirdiyi hava hücumu zamanı çoxlu sayda insanın şəhid olduğunu və yaralandığını açıqlayıb.
Əlaqədar xəbərlər
