Sionist rejimin Qəzzə zolağına qarşı cinayətlərinın davam etməsi ilə 2023-cü il Oktyabrın 7-də Əqsa Tufanı döyüşünün başlanmasından bu yana mühasirədə və atəş altında olan bu zolağında şəhidlərin və yaralıların sayı artıb.
Xarici KİV-in verdiyi məlumata görə, Qəzzədəki Fələstin Səhiyyə Nazirliyi İyulun 26-da verdiyi bəyanatda son 24 saat ərzində Qəzzə zolağında 57 nəfərin şəhid olduğunu, 512 nəfərin isə yaralandığını açıqlayıb.
Bu hesabata əsasən, Qəzzəyə qarşı təcavüzün yeni mərhələsinin 18 Mart 2025-ci il tarixindən başlamasından indiyədək 8581 nəfər şəhid olub, 32436 nəfər isə yaralanıb.
Həmçinin son 24 saat ərzində dolanışıq yardımı almaq istəyən 29 nəfər şəhid olub, 165 nəfər yaralanıb, bununla da “Çörək tikəsi” şəhidlərinin ümumi sayı 1121 nəfərə, yaralananların sayı isə 7485 nəfərdən çox olub.
Bu məlumata əsasən, bu şəhidlər də daxil olmaqla, 7 Oktyabr 2023-cü il tarixində Əl-Əqsa Tufanı döyüşünün başlanmasından bu yana Qəzzədə şəhid olanların ümumi sayı 59 min 733 nəfərə, yaralıların sayı isə 144 min 477 nəfərə çatıb.
Bu arada, Qəzzə zolağında Tibb Yardımı Bölməsinin rəhbəri Məhəmməd Əbu Əfş verdiyi müsahibədə bildirib ki, sanitariya şəraiti hər gün pisləşir və hazırda aclığın beşinci mərhələsindəyik. Əgər dərman və tibbi avadanlıqlar dərhal Qəzzə zolağına gətirilməsə, ölənlərin sayı artacaq.
O, əlavə olaraq bildirib ki, Qəzzə zolağında su və yemək yoxdur və son beş ay ərzində bu bölgəyə müstəqil şəkildə heç bir yardım daxil olmayıb. Təxminən 17 min uşaq ağır qidalanma pozuntularından əziyyət çəkir.
Əbu Əfş qeyd edib ki, quru südün olmaması uşaqlar üçün ciddi problemlər yaradır.
Qəzzə Tibb Yardım Bölməsinin rəhbəri, həmçinin bildirib ki, xəstəxanalardakı çoxsaylı yaralılar dərmana ciddi ehtiyac duyurlar.