Sionist rejimin Fələstin xalqına qarşı davam edən təcavüzü zamanı Qəzzədə 13 nəfər şəhid olub, İordan çayının qərb sahilində isə 50-dən çox insan həbs edilib.
Xarici KİV-in şənbə günü verdiyi məlumata görə, İsrail rejiminin Qəzzə zolağının bu gün səhər saatlarından xəbər dərc olunduğu ana qədər bombardmanları zamanı 13 nəfər şəhid olub.
Qəzzə zolağının mərkəzində Bəric düşərgəsinin bombalanması zamanı bir nəfər ölüb, bir neçə nəfər yaralanıb.
Həmçinin Qəzzənin şimalında yerləşən Beyt Lahiyanın əl-Ətatəra bölgəsinin bombalanması zamanı 4 nəfər şəhid olub, çoxlu sayda insan isə yaralanıb.
Digər tərəfdən, işğalçı qüvvələr İordan çayının qərb sahilindəki əl-Fəvvar düşərgəsinə hücum etməklə 50-dən çox adamı həbs edərək sorğu-sual edib.
Bundan əvvəl xəbər mənbələri cümə günü səhər saatlarından İsrail rejimin ordusunun Qəzzə zolağının müxtəlif bölgələrinə hücumları nəticəsində 64 nəfərin həyatını itirdiyini, onlarla insanın yaralandığını bildirmişdi.
ABŞ-ın yaşıl işığı ilə 1403-cü il Martın 18-də atəşkəsi pozan sionist rejim bir daha Qəzzəyə qarşı dağıdıcı müharibəyə başlayıb və bu müharibə indiyədək çoxlu sayda mülki şəxsin şəhid olması və yaralanması ilə nəticələnib.