Dünya Ərzaq Proqramı qəzzəlilərin İsrail-Amerika yardım paylama mərkəzindən bir kilo un əldə etmək üçün həyatlarını riskə atdıqlarını açıqlayıb.
Ümumdünya Ərzaq Proqramı bildirib: Qəzzədə aclıq getdikcə pisləşir, əksər ailələr gündə bir dəfə yemək ala bilmir.
Təşkilat vurğulayıb: İnsanlar bir kilo un almaq üçün həyatlarını riskə atırlar.Yayın istisi və ərzaq çatışmazlığı sakinlərin huşunu itirməsinə səbəb olub.
Təşkilat Qəzzədə ərzaq təhlükəsizliyinin iflasa uğramaq ərəfəsində olduğunu açıqlayıb və hər gün ən azı 100 yardım maşınına ehtiyac olduğunu bildirib.
Təşkilat mühasirə və yardımın olması səbəbindən əsas xidmətlərin çökdüyünə diqqət çəkib.
Bundan əvvəl İbranicə “Walla” internet saytı xəbər vermişdi ki, 130 beynəlxalq yardım təşkilatı ABŞ və sionist rejimin maliyyə dəstəyi aldığı “Qəzzə Humanitar Fondu”nun dərhal bağlanmasını istəyib.
Walla saytı yazıb ki, fond humanitar yardım prinsiplərini pozmaqda və milyonlarla fələstinlinin həyatını təhlükəyə atmaqda ittihamlarla üzləşib.
Sayt qeyd edib ki, beynəlxalq təşkilatlar 500-dən çox fələstinlinin yardım paylama mərkəzlərindən ərzaq almağa çalışarkən həlak olduğunu, İsrail hərbiçilərinin hər gün yardım paylama mərkəzlərinə yaxınlaşan mülki şəxsləri atəşə tutduğunu bildirib.
Bu arada Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) bəyan edib ki, Amerika Sionist Fondu Qəzzədə yardım paylama mərkəzlərini “gündəlik ölüm tələlərinə” çevirib.