Sionist rejimin Qəzzə zolağına qarşı təcavüzlərinin davam etməsi nəticəsində 7 Oktyabr 2023-cü ildən indiyə qədər Qəzzə zolağında şəhid olanların sayı 51266 nəfərə çatıb.
Xarici KİV-in çərşənbə axşamı günü verdiyi məlumata görə, Fələstin Səhiyyə Nazirliyi ötən 24 saat ərzində bu bölgədə 26 nəfərin şəhid olduğunu və 60 nəfərin isə yaralandığını açıqlayıb.
Məlumata əsasən, 2025-ci il Mart ayının 18-də Qəzzəyə qarşı təcazvüzlərin yeni mərhələsi başladıqdan bəri 1890 nəfər şəhid olub, 4950 nəfər isə yaralanıb.
Bu şəhidləri də nəzərə almaqla, 2023-cü ilin Oktyabr ayının 7-dən indiyə qədər 51266 nəfər şəhid olub və 116991 nəfər də yaralanıb.
Qəzzə zolağına qarşı yeni hücum dalğasının 36-cı günündə fələstinli qaçqınların məskunlaşdığı bölgə və çadırların sionist rejimi tərəfindən bombalanması davam edib.
Bununla əlaqədar olaraq, xəbər agentliklərindən birinin müxbiri bildirib ki, çərşənbə günü səhər saatlarından etibarən Qəzzə və Xan Yunis şəhərlərinin davamlı şəkildə bombalanması 14 nəfərin şəhid olması və bir sıra insanın isə yaralanması ilə nəticələnib.
