Fələstin Səhiyyə Nazirliyi (8 Noyabr tarixində) sionist rejiminin 7 Oktyabrdan bu günədək (8 Noybar) Qəzzəni davamlı olaraq bombalaması nəticəsində 192 nəfər tibb işçisinin və mülki yardım qüvvələrindən olan digər 36 nəfərin şəhid olması barədə məlumat verib.
Xarici KİV-in verdiyi məlumata əsasən, Fələstin Səhiyyə Nazirliyi Noyabrın 8-i, çərşənbə günü bildirib ki, işğalçılar tərəfindən Qəzzənin ardıcıl olaraq 33 gün ərzində davamlı bombalanması 192 nəfər tibb işçisinin və həmçinin xilasedici qrupların 36 üzvünün şəhid olmasına səbəb olub.
Fələstin Səhiyyə naziri “May əl-Kilə” bu barədə deyib: Qəzzə zolağındakı xəstəxanaların yarıdan çoxunun fəaliyyəti bombardmanlara yaxud da yanacağın bitməsi və elektriyin kəsilməsi səbəbilə dayandırılıb.
O, keçirilən mətbuat konfransında əlavə olaraq deyib: Qəzzədə mövcud olan 35 xəstəxanadan hal-hazırda 18-i fəaliyyətini dayandırıb.
Fələstin Səhiyyə naziri “Əqsa Fırtınası” əməliyyatının 33-cü günündə sionist rejiminin Qəzzə zolağına olan hücumlarında həyatlarını itirənlərin sayını açıqlayıb: Qəzzə müharibəsində şəhid olanların sayı 10569 nəfərə çatıb. Onların 4324-ü uşaq və 2823 nəfəri isə qadındır.
Fələstin Qırmızı Aypara Cəmiyyəti bildirib ki, sionist rejimi ordusu Qəzzədə Qırmızı Xaçın humanitar yardım karvanına hücum edib. Eyni zamanda Qəzzə zolağındakı xəstəxanaların baş direktoru deyib: “Bölgə xəstəxanalarında, xüsusən də şimal məntəqələrindəki xəstəxanalarda vəziyyət fəlakətli və təsvirolunmazdır.
O, verdiyi müsahibədə bildirib: “Qəzzə zolağının şimalındakı xəstəxanalar dərman və qida çatışmazlığından əziyyət çəkirlər. Uzun vasitəçilikdən sonra yalnız 9 nəfər yaralı şəxsi Misirə köçürə bilmişik.”
Halbuki, Qəzzədə hər 10 dəqiqədən bir, 1 uşaq həyatını itirir. Həyatını itirənlərin 70%-i uşaqlar və qadınlardır. BMT-nin baş katibi “Antonio Quterreş” də bundan əvvəl bildirmişdi ki, Qəzzə zolağı uşaq məzarlığına çevrilməkdədir və Qəzzə kabusu humanitar böhrandan daha yuxarıdır. Bu, bəşəri bir böhrandır.