Qəzzədəki əş-Şifa Tibb Kompleksinin direktoru İsrail ordusunun bu zolağa hücumları nəticəsində 1400-dən çox tibb işçisinin şəhid olduğunu açıqlayıb.
Xarici KİV-in verdiyi məlumata əsasən,Qəzzə zolağında yerləşən əş-Şifa Tibb Kompleksinin direktoru doktor Məhəmməd Əbu Səlmiyə bildirib ki, kompleks yanacaq çatışmazlığı səbəbindən elektrik enerjisinin olmamasına görə morqu söndürmək məcburiyyətində qalıb.
İmkansızlıq nəticəsində həkimlərin müalicə üçün yaralılar arasından seçim etmək məcburiyyətində qaldıqlarını bildirən Əbu Səlmiyə tibbi avadanlıqların, xüsusilə anesteziya avadanlıqlarının son dərəcə qıt olduğunu bildirib.
O, Qəzzənin səhiyyə sisteminin çökdüyünə diqqət çəkərək suyun çirklənməsi səbəbindən Qəzzə zolağında xəstəliklərin sürətlə yayıldığını bildirib.
Qəzzə zolağının səhiyyə rəsmisi bildirib ki, qəzzəli uşaqlar menenjit və qida çatışmazlığına qarşı həssasdırlar.
Əbu Salmiyə, həmçinin bildirib ki, Qəzzə zolağına daxil olan tibbi avadanlıqlar bir neçə gün kifayət edir.
O, hazırkı soyqırım müharibəsi zamanı İsrail rejiminin hücumları nəticəsində 1400-dən çox qəzzəli tibb işçisinin şəhid olduğunu deyib.
Bununla əlaqədar Qəzzənin Səhiyyə Nazirliyi son 24 saat ərzində Qəzzənin müxtəlif bölgələrində 93 nəfərin şəhid olduğunu, 278 nəfərin isə yaralandığını açıqlayıb.
Əlaqədar xəbərlər
