Növbəti 2 jurnalistin şəhadəti ilə İsrail rejiminin Qəzzə zolağı sakinlərinə qarşı başlatdığı qətliamda şəhid olan müxbirlərin sayı 132 nəfərə yüksəlib.
Xarici KİV-in verdiyi məlumata əsasən (24 Fevral), sionist ordusuna aid qırıcıların Qəzzə zolağının mərkəzində yerləşən Dir əl-Bələhdəki əl-Əqsa xəstəxanası yaxınlığında həyata keçirdikləri hücumlarda fələstinli fotoqraf jurnalist “Məhəmmdə Təşrin Yaği” qızı və həyat yoldaşı ilə birlikdə şəhid olub.
Həmçinin jurnalist və Fələstin Quran Radiosu proqramının aparıcısı “Musəb Əbu Zaid” Qəzzə zolağının mərkəzində yerləşən ən-Nəsirat düşərgəsindəki bir mənzilin bombalanmasının ardınca, ailəsi ilə birlikdə şəhid olub.
Bundan öncə sionist rejiminin Qəzzəyə qarşı hücumlarında şəhid olan jurnalistlərin sayının 130 nəfər olduğu bildirilmişdi.
Fələstinin xəbər agentliklərindən birinin verdiyi məlumata görə, mənfur Tel-Əviv rejimi demək olar ki, hər gün bir jurnalist öldürüb.
Qətərin Beynəlxalq Əməkdaşlıq naziri “Lulu əl-Xatir” sionist rejiminin jurnalistləri hədəf seçməsinə təəssüfünü ifadə edərək deyib: İsrail, jurnalistləri hədəf seçərək onları öldüməkdə rekord vurub.
O, əlavə edib: Dünya ictimaiyyəti hələ də işğalçi sionist rejiminin Qəzzədəki qətliamları qarşısında sakit dayanıb və işğalçılar da cinayətlərə və insanları kütləvi şəkildə qətliam etməyə davam edirlər.