Fələstin Səhiyyə Nazirliyi tərəfindən təqdim olunmuş ən son statistikaya (23 yanvar) görə, sionist rejimi Qəzzədəki 108 günlük müharibədə 11 minə yaxın fələstinli uşağı şəhid edib.
Fələstin hökumətinin Qəzzədəki media ofisi bildirib ki, sionist rejiminin HƏMAS-a qarşı 108 günlük müharibəsi zamanı 11 min fələstinli uşağın şəhadətindən əlavə, 7 500-dən çox qadın da şəhid olub.
Bu ofis tərəfindən təqdim olunan statistikalara əsasən, 7 minə yaxın fələstinli hələ də dağıntılar altındadır. Onların 70%-i bu rejimin hücumları zamanı itkin düşmüş və hələ də dağıdılmış evlərin ağır dağıntıları altında qalmış fələstinli qadın və uşaqlardır.
Hal-hazırda (23 yanvar) sionist rejiminin quru və hava hücumlarında canlarını itirənlərin sayı 25 500 nəfəri keçib və 63 000-dən çox digər fələstinli də yaralanıb.
Qəzzədə İsrail rejimi tərəfindən kütləvi insan itkisindən başqa, ağır maliyyə itkiləri də baş verib. Belə ki, araşdırmalara əsasən, müharibə zamanı inidyədək fələstinli sakinlərə aid 70 000-ə yaxın ev tamamilə dağıdılıb və 290 000-dən çox digər ev isə geniş müharibə şəraiti nəticəsində tamamilə yaşayışa yararsız vəziyyətdədir.
Fələstin hökumətinin media ofisinin bəyanatında İsrailin səhiyyə şöbələrinə olan hücumlarına da işarə olunub. Beləliklə də, bildirilib ki, indiyə qədər 337-yə yaxın səhiyyə işçisi, Qəzzədəki 45 nəfər mülki məmur və sionist rejiminin Qəzzədəki hücumlarını dünyaya çatdıran 119 jurnalist şəhid olub.
Bundan öncə BMT verdiyi bir bəyanatda Qəzzəni uşaqlar üçün mümkün olan ən təhlükəli yer kimi qeyd edib və 1 milyondan çox fələstinli uşağın həyatının təhlükəyə düşməsinə səbəb olan mürəkkəb vəziyyətin formalaşması barədə məlumat verib.