Fələstin mənbələri şənbə günü səhər, həyatı zəncirlərlə başlayan və Qəzzənin əs-Səvra küçəsində dağıntılar və tüstülər arasında sona çatan ən gənc fələstinli əsirin şəhid olduğunu bildiriblər.
Fələstin mediası Qəzzənin mərkəzindəki əs-Səvra küçəsinin bombalanmasından sonra İsrail həbsxanalarındakı ən gənc fələstinli məhbus Yusif əz-Zəqqin şəhadətini xəbər verib.
Yusif 2008-ci ildə İsrailin həbsxanalarında dünyaya gəlib və onun adı, onu dəmir barmaqlıqlar arxasında dünyaya gətirən fələstinli azadə qadın və mübariz anası Fatimə əz-Zəqqin mübarizə hekayəsi ilə bağlıdır.
Bu ifadə həm Yusifin həyatının simvolik başlanğıcını, həm də onun ailəsinin və xüsusilə anasının fədakarlığını və müqavimətini ön plana çıxarır.
İşğalçı qüvvələr Fatiməni 2007-ci il Mayın 20-də Beyt Hanun keçidində həbs etdilər və sonda o, hamiləliyini həbsxanada çox ağır fiziki və ruhi şəraitdə, lazımi tibbi yardım olmadan başa vurdu və övladını İsrail xəstəxanasında, əl-ayağı zəncirlənmiş halda dünyaya gətirdi.
2009-cu ilin Oktyabrında Yusif və anası məhbus mübadiləsi müqaviləsi çərçivəsində azad edilib. Razılaşmaya əsir götürülmüş İsrail əsgəri Gilad Şalitin videosu müqabilində 20 fələstinli qadın məhbusun azad edilməsi daxil idi.
Qəzzədə ana və oğulun vida şəkli
Təxminən iki il əvvəl Yusif, müsahibəsində belə demişdi: “Zindandan azad olanda bir yaş və doqquz aylıq idim və indi 15 yaşım var. Mənim düşmənə mesajım budur ki, mən uşaqkən sənə qarşı dirəndim, inşallah böyüyəndə də müqavimət göstərəcəm.”
Yusifin anası, Fatimə əz-Zəqq isə bildirmişdi ki, bir israilli zabit Yusifə sual verəndə: “Böyüyəndə nə olmaq istəyirsən?”, o belə cavab verib: “Mübariz.”
Bu sözlər, həm Fələstinli uşaqların nə qədər tez yaşadıqları ağır reallıqlarla üzləşdiyini, həm də onların ruhunda kök salan müqavimət iradəsini göstərir.
