Sionist rejimi bugün (şənbə günü) Deyr əl-Bələhdəki bir məktəbi bombalamaqla azı 24 nəfər fələstinli qaçqını şəhid edib.
Xarici KİV-in verdiyi məlumata görə, İsrail qırıcıları bugün də müharibənin 295-ci günündə Qəzzə zolağının müxtəlif bölgələrini bombalayıblar.
Sionist rejimi bir neçə saat öncə törətdiyi yeni cinayətində Qəzzə zolağının mərkəzində yerləşən Deyr əl-Bələhdəki çox sayda fələstinli qaçqının məskunlaşdığı bir məktəbi və bu məktəbdə yaradılmış müalicə mərkəzini bombalayaraq onlarla fələstinlini öldürüb.
Əl-Əqsa Şəhidləri Xəstəxanasının sözçüsü əvvəlcə xəstəxanaya indiyədək azı 20 şəhidin gətirildiyini və yaralıların 60%-nin vəziyyətinin və yaraların ağır olduğunu açıqlayıb. O, bildirib ki, dərman və tibb işçilərinə ciddi şəkildə ehtiyacımız var və beynəlxalq ictimaiyyətdən sərhəd keçid məntəqələrinin açılması və dərman gətirilməsi üçün təcili olaraq hərəkətə keçməsini istəyirik.
Bu xəbər yayıldıqdan qısa bir müddət sonra bu bombardmanda şəhid olanların sayının 24 nəfərə çatdığı və yaralıların sayının da onlarla insan olduğu açıqlandı.
Fələstin mediaları işğalçıların bugün Deyr əl-Bələhdəki bombardmanda Seyidə Xədicə məktəbində yaradılmış müalicə mərkəzini hədəfə aldıqlarını bildiriblər. Bu da, bir neçə qadın və uşağın şəhid olmasına səbəb olub.
İşğalçı rejim bugün, həmçinin ardıcıl olaraq 6-cı gündə Xan Yunisə qarşı hava bombarmanları və artilleriya hücumları ilə eyni zamanda Xan Yunisin şərqindəki kəndlərdə qurudan irəliləməyə davam ediblər. Belə ki, təkcə son 24 saat ərzində 26 şəhidin cənazəsi Nasir xəstəxanasına gətirilib.
Sionist işğalçıları Rəfəhin bombalanmasında da azı 10 nəfərin şəhid olmasına səbəb olublar.
Bundan əlavə, Qəzzə zolağının mərkəzində də ən-Nəsirat düşərgəsində 5 Fələstin vətəndaşı şəhid olub.