İsrail rejimi ordusunun həyata keçirdiyi növbəti vəhşi hücumlar nəticəsində Qəzzə zolağında daha 61 fələstinli şəhid olub.
Xarici KİV-in şənbə günü səhər saatlarında verdiyi məlumata görə, Fələstin Səhiyyə Nazirliyi Qəzzədə xəstəxanaların son 24 saat ərzində 61 şəhidin cənazəsini və 231 yaralını qəbul etdiyini açıqlayıb.
Fələstin Səhiyyə Nazirliyinin məlumatına görə, İsrail ordusunun hücumlarının bir neçə qurbanı hələ də dağıntılar altında və küçələrdədir. Təcili yardım və xilasedicilər onlara kömək edə bilməyiblər.
Fələstin Səhiyyə Nazirliyi son 24 saat ərzində humanitar yardıma çatmağa çalışarkən İsrail ordusunun hücumları nəticəsində 6 fələstinlinin şəhid olduğunu, 20 nəfərin isə yaralandığını açıqlayıb.
Fələstin Səhiyyə Nazirliyinin məlumatına görə, İsrail ordusunun hücumları nəticəsində Qəzzə zolağında humanitar yardım paylama mərkəzlərində 788 fələstinli şəhid olub, 5199 nəfər isə yaralanıb.
Əlaqədar xəbərlər
