Sionist rejimin ordusunun dünən səhər saatlarında Qəzzə zolağının müxtəlif bölgələrinə qarşı hücumlarında azı 33 fələstinli şəhid olub və onlarla insan yaralanıb.
Fələstin mediaları çərşənbə axşamı günü sionist ordusunun Qəzzə zolağının müxtəlif bölgələrinə qarşı cinayətkar hücumları barəsində məlumat veriblər.
Xarici KİV-in verdiyi məlumata görə, Qəzzə zolağının şimalında yerləşən “Beyt Lahiya” şəhərindəki bir evin bombalanmasının ardınca, 20 fələstinli şəhid olub, bir neçə nəfər isə yaralanıb.
Həmçinin işğalçıların Qəzzə zolağının mərkəzində yerləşən “əz-Zəvayidə” qəsəbəsindəki qaçqın çadırlarına hava hücumu nəticəsində 4 nəfərin şəhid olduğu bildirilib.
Qəzzə Mülki Müdafiə İdarəsi də qeyd edib: “İsrail helikopterinin Qəzzə zolağının mərkəzində yerləşən Deyr əl-Bələh şəhərindəki qaçqınlar çadırına hücumu 2 nəfərin şəhid olmasına və uşaqlar da daxil olmaqla, 6 nəfərin yaralanmasına səbəb olub.”
Verilən məlumata əsasən, Qəzzə zolağının cənubunda yerləşən Xan Yunis şəhərinin şərqindəki “Mən” məntəqəsində olan qaçqın çadırlarının bombalanmasında biri uşaq olmaqla, 3 nəfər şəhid olub.
Bundan əlavə, sionistlərin Qəzzə şəhərinin şərqində yerləşən “ət-Tuffah” məntəqəsindəki binaya hava hücumlarının ardınca, 4 nəfər şəhid olub və bir neçə nəfər isə yaralanıb.
Xəstəxana mənbələri də bildiriblər ki, işğalçıların son 24 saat ərzində Qəzzə zolağına qarşı vəhşi hücumları zamanı 45-i bu zolağın şimalında olmaqla, 70 fələstinli şəhid olub.