Sionistlərin İordan çayının qərb sahillərində yerləşən Ramullahın şimal-qərbindəki Beyti Rima kəndinə ən son hücumlarında fələstinli bir yeniyetmə şəhid olub.
Fələstinli mənbələrin verdiyi məlumata görə, fələstinli bir yeniyetmə bugün (cümə günü) səhər Ramullahın şimal-qərbində yerləşən Beyti Rima kəndində işğalçı hərbiçilərin açdıqları atəş nəticəsində şəhid olub. Sionist hərbiçilərinin dünən (cümə axşamı günü) günorta saatlarından sonra Beyti Rimaya olan hücumlarında azı iki Fələstin vətəndaşı şəhid olub və bir neçə nəfər də yaralanıb.
Sionist rejiminə aid qırıcıların Qəzzə zolağının cənubunda yerləşən Xan Yunisə olan davamlı hücumları artıb. Dünən səhər saatlarından etibarən Beyti Rima kəndində və Xan Yunisdə şəhid olanların sayı 33 nəfərə çatıb.
Tibbi mənbələr işğalçılar tərəfindən mərkəzi bölgələrin gülləbaran edilməsi ilə yanaşı, sionistlərin Xan Yunisdəki Əl-Əməl məhəlləsindəki bir yaşayış binasına hücumları zamanı bir Fələstin vətəndaşının şəhid olması və digər bir neçə nəfərin yaralanması barədə xəbər veriblər.
Həmçinin işğalçı rejiminə aid qırıcılar tərəfindən Xan Yunisdəki bir evin bombalanması nəticəsində fələstinli bir qadın şəhid olub və bir neçə nəfər yaralanıb.
9-u uşaq olmaqla 14 şəhidin cənazəsinə aid görüntülərin videosu yayılıb ki, Xan Yunisin qərbində yerləşən Sahili əl-Məvasi məntəqəsinin yaxınlığında qaçqın çadırlarının işğalıçıların hərbi təyyarələri tərəfindən bombalandığını göstərir.
Həmçinin sionist hərbiçilərinin Əbu Səncərin ailəsinin Qəzzə zolağının cənubunda yerləşən Rəfəh şəhərinin mərkəzindəki evinə hücumunda 5 Fələstin vətəndaşı şəhid olub və bir neçə nəfər yaralanıb.
Qəzzə zolağının mərkəzindəki Əl-Məğazi düşərgəsində də Əbu Hulinin ailəsinə aid mənzilin işğalçı qırıcılar tərəfindən bombalanması zamanı bir neçə nəfər şəhid olub və yaralanıb.
Qəzzə şəhərində tibbi mənbələr bildiriblər ki, şəhər məhəllələrinin işğalçı qırıcılar tərəfindən bombalanması nəticəsində 9 şəhidin cənazəsi Əş-Şifa Tibb Kompleksinə çatdırılıb və bugün səhər saatlarından etibarən şəhidlərin ümumi sayı 39-a çatıb.
Sionist rejiminin Oktyabr ayından 7-dən indiyədək Qəzzə zolağına qarşı davamlı hücumlarında şəhid olanların sayı 22 430 nəfəri keçib. Onlardan 9 730 nəfəri uşaq və 6830 nəfəri isə qadındır. Bu arada 7 000 insan itkin düşüb və 57 600-dən çox insan isə yaralanıb.
