Qəzzə Səhiyyə Nazirliyinin baş direktoru Qəzzə zolağında mövcud olan xəstəxanalardakı vəziyyətin pisləşməsinə toxunaraq bildirib ki, ümumilikdə 38 xəstəxanadan yalnız 18-i qismən fəaliyyət göstərir.
O, əlavə olaraq deyib: Xəstəxanalar xəstəxana çarpayıları, dərman və qida çatışmazlığı ilə üzləşib və bundan əlavə işğalçı rejim uşaqların peyvəndlərinin Qəzzə zolağına daxil olmasına mane olur.
Qəzzə Səhiyyə Nazirliyinin baş direktoru, həmçinin Qəzzə zolağının keçidlərinin dərhal açılması üçün işğalçı rejimə təzyiq göstərilməsinin vacibliyini vurğulayaraq bildirib: İşğalçı rejim Qəzzə zolağında fələstinliləri dəli kimi qətlə yetirir və bundan həzz alır.
Xarici KİV-in məlumatına görə, sionist rejimi ABŞ-ın dəstəyi ilə 7 Oktyabr 2023-cü il tarixindən 19 Yanvar 2025-ci il tarixinədək Qəzzə zolağında dağıdıcı bir müharibəyə başladı. Bu müharibə geniş dağıntılara və böyük insan tələfatına səbəb oldu. Lakin rejim öz elan etdiyi məqsədlərə – İslam Müqavimət Hərəkatı “HƏMAS”ın məhv edilməsi və sionist əsirlərin azad olunmasına – nail ola bilmədi.
19 Yanvar 2025-ci ildə Həmas və İsrail rejimi arasında razılaşma əsasında Qəzzə zolağında atəşkəs elan edildi, lakin rejim ordusu Qəzzə zolağına qarşı hərbi təcavüzünü 18 Mart 2025-ci ildə həftənin çərşənbə axşamı günü səhər saatlarında yenidən bərpa etdi.
Əlaqədar xəbərlər
