Qəzzədəki Səhiyyə Nazirliyinin gündəlik hesabatına əsasən, sionist rejiminin 7 Oktyabr 2023-cü ildən indiyə qədər Qəzzə zolağına qarşı törətdiyi soyqırım müharibəsində şəhid olanların ümumi sayı 60 933 nəfərə, yaralananların sayı isə 105 027 nəfərə yüksəlib.
Ötən 24 saat ərzində cəsədləri dağıntılar altından çıxarılan 4 nəfər də daxil olmaqla, 94 şəhid və 439 yaralı Qəzzə zolağındakı xəstəxanalara gətirilib.
Bununla da sionist rejiminin 7 Oktyabr 2023-cü ildən indiyə qədər Qəzzə zolağına qarşı törətdiyi soyqırım müharibəsində şəhid olanların ümumi sayı 60 933 nəfərə, yaralananların sayı isə 105 027 nəfərə çatıb.
Həmçinin 15 Mart 2025-c il tarixindən bugünə kimi 9 440 nəfər şəhid olub və 37 986 nəfər isə yaralanıb.
Hesabatın digər bir hissəsində qeyd olunub ki, hələ də bir sıra insan dağıntılar altında və ya küçələrdə qalıb, xilasetmə qüvvələrinin gücünün çatmaması və imkanların azlığı səbəbindən onlara təcili olaraq yardım göstərilə bilmir.
Digər tərəfdən də, “bir tikə çörək şəhidləri” adlı humanitar böhran da artmaqdadır. Ötən 24 saat ərzində qida yardımları almaq istəyən 29 nəfər şəhid olub, digər 300 nəfər isə yaralanıb. Bu hadisələrdə indiyə qədər şəhid olanların sayı 1 516 nəfərə, yaralananların sayı isə 10 067 nəfərə çatıb.
Bundan əlavə, aclıq və pis qidalanma səbəbilə 5 ölüm halı qeydə alınıb, bunların da hamısı böyüklərdir. Qəzzədə aclıq və pis qidalanma səbəbindən şəhid olanların ümumi sayı 180 nəfərə çatıb ki, onların da 93 nəfəri uşaqlardır.