Fələstinin Qəzzə zolağındakı Səhiyyə Nazirliyi İsrail ordusunun Qəzzə zolağına hücumları nəticəsində şəhid olanların sayının 55 min 104 nəfərə çatdığını açıqlayıb.
Xarici KİV-in verdiyi məlumata görə, Qəzzə zolağındakı Fələstinin Səhiyyə Nazirliyi bəyanat yayaraq, İsrail ordusunun 7 Oktyabr 2023-cü il tarixindən Qəzzə zolağına hücumları nəticəsində şəhid və yaralananlarla bağlı son statistik məlumatları açıqlayıb.
Fələstinin Səhiyyə Nazirliyinin məlumatına görə, 2023-cü il Oktyabrın 7-dən indiyədək İsrail ordusunun Qəzzə zolağına hücumları nəticəsində 55 min 104 nəfər şəhid olub.
Fələstin tibb müəssisəsi, həmçinin bəyan edib ki, bu zolaqda müharibə başlayandan bəri İsrail ordusunun Qəzzə zolağına hücumları nəticəsində yaralananların ümumi sayı 127 min 394 nəfərə çatıb.
Nazirlik son 24 saat ərzində 123 şəhidin də cənazəsinin xəstəxanaya aparıldığını açıqlayıb. Həmçinin bu müddət ərzində 474 nəfər xəsarət alıb.
Həmçinin 2025-ci il Martın 18-dən Qəzzəyə yeni hücum dalğasında 4821 nəfər şəhid olub, 15353 nəfər isə yaralanıb.
Minlərlə insan hələ də itkin düşüb və Qəzzə zolağında dağıntılar altındadır.
Həmçinin son saatlarda yardım paylama mərkəzlərində 57 nəfər şəhid olub, 363-dən çox insan yaralanıb. İndiyədək yardım paylama mərkəzlərində 224 nəfər şəhid olub, 1858-dən çox insan isə yaralanıb.
Əlaqədar xəbərlər
