Qəzzə zolağındakı Fələstin Səhiyyə Nazirliyi 97 şəhidin cənazəsinin tibb mərkəzlərinə təhvil verildiyini açıqlayıb və işğal rejiminin 2023-cü il Oktyabrın 7-dən bu zolağa təcavüzü nəticəsində şəhid olanların sayının 54 min 607, yaralananların sayının isə 125 min 341 nəfərə yüksəldiyini açıqlayıb.
Xarici KİV-in çərşənbə günü verdiyi məlumata görə, Qəzzə zolağındakı Fələstin Səhiyyə Nazirliyi açıqlama verərək bildirib: Ötən 24 saat ərzində 97 şəhidin cənazəsi Qəzzə zolağındakı tibb mərkəzlərinə təhvil verilib, onlardan 2-si işğalçı rejimin əvvəlki hücumlarının qurbanı olub və onların cəsədləri dağıntılar altından çıxarılıb.
Nazirlik açıqlamasında vurğulanıb: Eyni zamanda 440 yaralı Qəzzə zolağındakı tibb mərkəzlərinə köçürülüb.
Açıqlamaya əsasən, çoxlu sayda şəhidin cəsədi hələ də dağıntılar altında və yollarda qalıb, xilasetmə və təcili yardım qrupları onlara yardım edə bilməyib.
Fələstinin Qəzzada Səhiyyə Nazirliyi açıqlamasının ardında qeyd edib: İşğalçı rejimin bu zolağa təcavüzü başladığı 7 Oktyabr 2023-cü il tarixindən etibarən son 24 saatda şəhid və yaralananlar da daxil olmaqla, Qəzzə zolağında şəhid olanların sayı 54607, yaralananların sayı isə 125341 nəfərə çatıb.
Fələstin Səhiyyə Nazirliyindən verilən açıqlamada, işğal rejiminin 18 Martdan bu yana Qəzzə zolağına təşkil etdiyi hücumların qurbanlarının sayının artaraq 4 min 335 nəfər, yaralıların sayının isə 13 min 300 nəfər olduğu bildirilib.
Sərhədsiz Həkimlər Təşkilatının Tibbi İşlər Direktoru Fadi əl-Mədhun vurğulayıb: “Qəzzə zolağında sağlamlıq və tibbi vəziyyət çox mürəkkəbdir və Nasir xəstəxanasının fəaliyyəti dayandırılarsa, Qəzz zolağının cənubunda tibbi xidmətlərin göstərilməsi vəziyyəti fəlakətlə üzləşəcək.”
Beynəlxalq Amnistiya Təşkilatı Amerika-Sionist şirkətinin yardım çatdırma mexanizmində fələstinlilərin ifadələrinə toxunaraq deyib: Dünya ölkələri İsrailin silah kimi istifadə etdiyi son yardımların çatdırılması planını rədd etməlidir.
Təşkilat qeyd edib: Bazar günü İsrail hərbiçiləri yardım paylama mərkəzinin yaxınlığında yemək almağa gələn ac fələstinlilərə atəş açıblar. Bu, dəhşətli hadisədir, müstəqil və təcili araşdırma tələb edir.
Əlaqədar xəbərlər
