Digər 60 fələstinlinin şəhadəti ilə sionist rejiminin Qəzzə zolağına olan hücumlarında 7 Oktyabrdan indiyədək şəhid olanların sayı 34904 nəfərə çatıb.
Qəzzə zolağındakı Fələstin Səhiyyə Nazirliyi bugün açıqlama verərək bildirib: Sionist rejimi ordusu ötən 24 saat ərzində bu zolaqda növbəti 4 qətliam və cinayət törədib.
Nazirlikdən bildirilib ki, sionist rejiminin ordusunun Qəzzə zolağına qarşı ötən 24 saat ərzindəki hücumlarında 60 fələstinli şəhid olub və 110 nəfər isə yaralanıb.
Bu hesabata əsasən, yeni şəhid və yaralıları hesablamaqla sionist rejiminin Qəzzəyə qarşı müharibəsində indiyə qədər şəhid olanların sayı 34904, yaralıların sayı isə 78514 nəfərə çatıb.
Hələ də minlərlə insan itkin düşüb və dağıntılar altında qalıb.