Qəzzə Səhiyyə Nazirliyi bugün (cümə günü) müharibənin 210-cu günündə sionist rejiminin bu zolağa qarşı hücumlarında şəhid olanların sayının 34622 nəfərə çatdığı haqda məlumat verib.
Xarici KİV-in verdiyi məlumata görə, Qəzzə Səhiyyə Nazirliyi sionist rejiminin ötən 24 saat ərzində Qəzzə zolağının müxtəlif bölgələrinə hücumlar təşkil etdiyini açıqlayıb. Bu hücumlar nəticəsində 26 nəfər şəhid olub və 51 nəfər isə yaralanıb.
Nazirlikdən bildirilib: Yeni şəhid olanları hesablasaq sionist rejiminin 7 Oktyabr tarixindən indiyədək Qəzzə zolağına qarşı təcavüzləri nəticəsində şəhid olanların sayı 34622 nəfərə yüksəlib.
Qəzzə Səhiyyə Nazirliyi, həmçinin bu hücumlarda yaralananların sayının 77867 nəfər olduğunu açıqlayıb.
Bu Nazirliyin hesabatının davamında deyilir ki, bəzi şəhidlərin cəsədləri dağıntılar altında qalıb və digər bəziləri də küçələrin kənarında tərk olunublar. Sionistlərin davamlı təcavüzləri səbəbilə xilasedici qruplar da onları oradan köçürə bilmirlər.
Sionist rejiminin Qəzzə zolağına qarşı nəticəsiz qalan təcavüzdən 210-cu gün keçir və bu rejim hər gün daha çox daxili və xarici böhranda batır.
İşğalçı rejimin bu müddət ərzində bu bölgədə qətliam, dağıntı, hərbi cinayətlər, beynəlxalq qanunları pozmaq, xilasedici qrumları bombalamaq, qıtlıq və aclıqdan başqa heç bir nailiyyəti olmayıb.
Sionist rejimi gələcəkdə əldə edəcəyi hər hansı bir nailiyyəti nəzərə almadan bu müharibəni uduzub. Hətta 210 gündən sonra belə, uzun illər mühasirədə olmuş kiçik bir bölgədə müqavimət qruplarını təslim edə bilməyib. O, həmçinin Qəzzədə törətdiyi cinayətlərə görə qlobal ictimai rəyin dəstəyini itirib.