Qəzzədəki Səhiyyə Nazirliyi sionist rejiminin Qəzzə zolağına qarşı təcavzülərində həyatlarını itirənlərin sayının 20 424 nəfərə çatdığını bildirib.
Qəzzədəki Səhiyyə Nazirliyinin verdiyi məlumata əsasən, sionist rejiminin Oktyabrın 7-dən indiyədək Qəzzə zolağına qarşı zülmkar təcəvüzlərində şəhid olanların sayı 20 424 nəfərə və yaralıların sayı isə 54 036 nəfərə çatıb.
Bu nazirlik, həmçinin bildirib: Qəzzə zolağının ötən 24 saat ərzində (bazar günü) sonist rejimi tərəfindən bombalanması 166 nəfərin şəhid olması və 384 nəfərin yaralanması ilə nəticələnib.
Qəzzə Dövlət İnformasiya ofisi də bəyanat yayaraq bildirib ki, sionist rejimi Qəzzədəki mülki şəxsləri təhlükəsiz adlandırdığı məntəqələrə getməyə məcbur edir, amma həmin məntəqələri bombalayaraq onları qətlə yetirir.
Bu bəyanatda deyilir: Sionist rejimi ordusu ötən 48 saat ərzində mərkəzi vilayətin 8 məhəlləsinin sakinlərindən Dir əl-Bələhə getmələrini istəyib. Amma getmələrini istədiyi həmin məntəqədə 5 qətliam törədib ki, bu da 28 fələstinlinin şəhid olması və 88 nəfərin yaralanması ilə nəticələnib.