Sionist rejiminin Qəzzəyə olan hücumlarının 31-ci günü bu rejimin ötən gecə (bazar günü) interneti tamamilə kəsməsi ilə yanaşı, fələstinliləri dəlicəsinə bombaladığı və qətliam etdiyi bir vaxtda başlayıb.
Sionist rejiminin ordusuna aid qırıcılar dünən gecə (bazar günü axşam) internetin kəsilməsi ilə eyni vaxtda yarım saatdan az bir vaxt ərzində Qəzzə zolağındakı 100 nöqtəni bombalayıb.
Eyni zamanda HƏMAS sözçüsü deyib ki, sionist rejimi Qəzzə şəhərinin internetini kəsib və bununla da yeni qətliamlar törətmək və onları ictimaiyyətdən gizlətmək fikrindədir.
Fələstinli xəbər mənbələri bildiriblər ki, sionist rejiminin ordusu bazar günü axşam Qəzzəyə olan hücumlarında qadağan olunmuş fosfor və kasset bombalarından istifadə edib.
Digər tərəfdən də İzzəd-din əl-Qəssam batalyonları (HƏMAS-ın hərbi qolu) da bildiriblər ki, sionist rejiminin bazar günü axşam Qəzzəyə olan dəlicəsinə bombardmanlarının ardınca, Tel-Əvivə və Əşduda (Əsdud) raket hücumu ediblər.
Qəzzədəki Səhiyyə Nazirliyinin sözçüsü bazar günü axşam saatlarına yaxın, sionist qırıcılarının hücumları və bombardmanlarında şəhid olanların sayını açıqlayaraq deyib: İsrail rejiminin Qəzzəyə qarşı hücumları başladıqdan bəri 10 022 nəfər fələstinli şəhid olub. Şəhid olanların 4800-ü uşaqdır.