İşğalçı ordunun qəzzəli qaçqınların ev və çadırlarına olan dron hücumları son saatlarda şiddətlənib və indiyə qədər onlarla insan həyatını ititib və yaralanıb.
Qəzzə zolağı növbəti dəfə sionist rejimin ağır hücumlarına məruz qalıb. Törədilən son cinayətdə işğalçılara aid dronlar Qəzzə zolağının cənubunda yerləşən Xan Yunis şəhərindəki qaçqınların məskunlaşdığı bir neçə yeri hədəfə alıblar. Bunun nəticəsində isə, bir sıra fələstinli, xüsusən də uşaqlar şəhid olub və yaralanıb.
Sionist rejimin Xan Yunis şəhərindəki yaşayış mənzillərindən birinə qarşı dron hücumu zamanı azı 1 nəfər şəhid olub, 20 nəfər isə yaralanıb. Yerli mənbələrin birdirdiyinə görə, bu hücumda yaralananların 15-i uşaqlardır və onların vəziyyətinin ağır olduğu qeyd olunub. Bu ev Qəzzənin şimalından bu şəhərə sığınan bir neçə ailənin qaldığı ev olub.
Digər tərəfdən də, sionist ordusunun dronları bugün səhər saatlarında həmin şəhərdə bir çadırı hədəfə alıblar ki, bu da, 2-si uşaq olmaqla, 4 nəfərin şəhid olması ilə nəticələnib.
Xan Yunisin qərbində qaçqınların çadırına edilən başqa bir hücumda 3 fələstinli həyatını itirib və bir sıra insan isə yaralanıb.
Qəzzədəki xəstəxana resursları, həmçinin Xan Yunisin qərbində yaşayış mənzillərindən birinə dron hücumu olduğu barədə məlumat veriblər. Bu cinayət nəticəsində indiyə qədər 5 nəfər şəhid olub.
Fələstin medialarının xəstəxana resurslarına istinadən verdikləri hesabata əsasən, sionist rejimin hava hücumları nəticəsində ötən gün (cümə günü) səhər saatlarından indiyə qədər şəhid olanların sayı 58 nəfərə çatıb.
Qəzzə zolağında humanitar böhranın şiddətlənməsinin ardınca, Fələstin İnsan Haqları Mərkəzi Qəzzə zolağı keçidlərinin təcili olaraq açılmasını yenidən tələb edib.
Mərkəzin verdiyi bəyanatda deyilir: “Bu, qarşıdan gələn humanitar fəlakətin qarşısının alınması üçün keçidlərin açılması və dərman, tibbi avadanlıqlar, ərzaq və yanacağa şamil olan humanitar yardımların girişinə icazə verilməsi üçün təcili bir çağırışdır.”
Fələstin İnsan Haqları Mərkəzi keçidlərin bağlanma siyasətini yardımların Qəzzə zolağına daxil olmasının qarşısının alınması üçün qəsdən atılan bir addım olduğunu bildirib və onu hərbi cinayət və beynəlxalq humanitar hüquqların aşkarcasına pozulması kimi qiymətləndirib. Mərkəz, həmçinin vurğulayıb ki, sionist rejimin bu rəftarı təcili və genişmiqyaslı yardımların Qəzzə zolağına daxil olmasını tələb edən Beynəlxalq Ədalət Məhkəməsinin çıxardığı hökmlərə qarşı açıq-aşkar etinasızlıqdır.