Qəzzə Səhiyyə Nazirliyi müharibənin 252-ci günündə müharibə qurbanları ilə bağlı son statistikanı açıqlayıb.
Qəzzə Səhiyyə Nazirliyi açıqlama verərək bildirib: İşğalçı rejim ötən 24 saat ərzində 4 qəltiam törədib ki, bu da 34 nəfərin şəhid olması və 71 nəfərin yaralanması ilə nəticələnib. Qurbanların bəziləri dağıntılar altında və yollarda qalıb. Mülki müdafiə qüvvələri və təcili yardım maşınları özlərini onlara yetirə bilmirlər.
Xəbər agentliklərindən birinin verdiyi hesabata əsasən, Səhiyyə Nazirliyindən, həmçinin bildirilib: Oktyabrın 7-dən indiyə qədər Qəzzə müharibəsində şəhid olanların sayı 37266, yaralıların sayı isə 85102 nəfərə çatıb.
İşğalçı rejim Oktyabr ayının 7-dən etibarən Qəzzə xalqına qarşı qanlı və dağıdıcı müharibə başladıb. Bu rejim Qəzzədəki binaların və mərkəzlərin çoxunu dağıdıb, on minlərlə insanı isə şəhid edib və ya yaralayıb. Bu müharibə misli görünməmiş insan fəlakəti yaradıb və Qəzzə xalqının bir çoxunun, xüsusən də uşaqların qida çatışmazlığı nəticəsində həyatlarını itirmələrinə səbəb olub.