Cenin şəhərinin cənubunda yerləşən Qəbatiyyə şəhəri hələ də işğalçı ordu tərəfindən mühasirədədir. Artıq üç gündür ki, şəhərdə komendant saatı tətbiq olunur və İsrail qırıcı təyyarələri Fələstin vətəndaşları arasında qorxu və dəhşət yaratmaq üçün şəhər üzərində uçuşlar həyata keçirir.
Sionist hərbçiləri Qəbatiyyə şəhərindəki mərkəzi bazara tacirlərin və fermerlərin girməsinin qarşısını alır. Sakinlərdən biri bildirib: Bu, kənd təsərrüfatı sektoruna böyük təsir göstərib və qonşu əyalətlərdən olan tacirlər Qəbatiyyəyə girə bilmir və heç kim şəhərdən çıxa və ya şəhərə daxil ola bilmir.
Evlər hərbi kazarmalara çevrilib. Ticarət mərkəzləri, çörək sexləri, apteklər və klinikalar bağlanıb. Hətta məktəblər də bağlanıb, çünki sakinlər uşaqlarını məktəbə göndərməyə qorxurlar.
Təcili yardım xidmətinin işçisi Məhəmməd Munasirə deyib: Son dörd gündür ki, Qəbatiyyə şəhərində İsrail hərbiçilərinin evlərə basqın edərək onları hərbi kazarmalara çevirməsinin şahidi oluruq. Küçələrdə hərəkət qadağan edilib. Dünən saat 13:00-da komendant saatı elan edilib və saat 15:00-da qüvvəyə minib. Komendant saatı vətəndaşların hətta maşınlarında belə olmasını qadağan edir.
Ceninin cənubundakı Qəbatiyyə və Mislon yaşayış məntəqələrinə və Qərb sahillərinin bütün məntəqələrinə sionist hücumlarının artması davam edir.