Yerli Fələstin mənbələri işğalçı rejimin əsgərlərinin Tülkərm bölgəsində (İordan çayının qərb sahilinin şimalında) “Nur Şəms” düşərgəsinə hücumu və orada geniş dağıntılar törətdiyini bildirib.
Çərşənbə günü “Əl-Mayadin” kanalına istinadən verilən xəbərə görə, işğalçı əsgərlər “Nur Şams” qaçqın düşərgəsində partlayıcı maddələrdən istifadə edərək evləri dağıtmağa davam edirlər.
Eyni zamanda, “Əl-Manar” kanalı da İordan çayının qərb sahillərinin cənubunda yerləşən əl-Xəlildəki “Beyt Əmr” kəndində fələstinlilərlə işğalçı qüvvələr arasında toqquşmaların baş verdiyini bildirib.
Digər tərəfdən, sionist rejimin televiziyası və radiosu, Qüds şəhərinin bələdiyyəsində 1000-dən çox yeni sionist məhəlləsinin inşasına dair xüsusi layihənin müzakirə ediləcəyini bildirib.
Bu plana əsasən, “Nof Tsiyon” kəndində 380 sionist məhəlləsi, bir məktəb, iki dini mərkəz və ticarət mərkəzləri inşa ediləcək. Bundan başqa, “Har Homa” və “Ramat Rahil” məhəllələri arasında “Sour Baher” yaxınlığında 650 sionist məhəlləsinin tikilməsi planlaşdırılır.
İşğalçı sionist qüvvələri, həmçinin Cenin vilayətindəki əl-Ərəqə kəndlərinin minlərlə hektarını zəbt edib.
Sionist rejimin hərbiçiləri, həmçinin əl-Xəlil şəhərində şəhid “Muhəmməd Məsk” və “Əhməd əl-Heymuni” adlı fələstinli əsirlərin evini partladıblar.
Bəzi yerli mənbələr bildiriblər ki, işğalçı rejimin bir qrup hərbiçisi əl-Xəlil şəhərinə hücum edib və bu iki fələstinlinin evini mühasirəyə alıb, evdəki sakinləri zorla evdən çıxarıb. Onlar sonra evin daxili divarlarına partlayıcı maddələr qoyaraq evi partladıblar.
Şəhid Məsk və əl-Heymuni keçən ilin oktyabr ayında Tel-Əvivdəki silahlı hücumda 7 sionisti öldürmüşdülər.
İşğalçı rejimin ordusunun 21 yanvar 2025-ci ildən etibarən “Dəmir Divar” adı altında keçirdiyi hərbi əməliyyatları İordan çayının qərb sahillərinin, xüsusilə Cenin, Tülkərm və Tubas vilayətlərindəki şəhərlərə və qaçqın düşərgələrinə yayılmağa başlayıb.
Fələstin rəsmiləri xəbərdarlıq ediblər ki, bu əməliyyatlar Netanyahu kabinetinin İordan çayının qərb sahillərinin ilhaq etmək və orada hakimiyyət qurmaq planının bir hissəsidir və bu, iki dövlətli həll yolunun rəsmi olaraq məhv olduğunu göstərir.