İsrailin Ehtiyat Qüvvələrinin 200 pilotu bilidirib ki, Netanyahu kabinetinin Məhkəmə sistemində dəyişiklik üçün nəzərdə tutduğu layihəyə etiraz olaraq daha iş yerlərinə gəlməyəcəklər.
Xarici KİV-in veridiyi məlumata əsasən, bu pilotların istefası, Netanyahunun iki gün əvvəl etdiyi çıxışdan və Ali Məhkəmənin səlahiyyətlərinin azaldılmasına dair təkidindən sonra elan olunub.
Verilən məlumata görə, bu pilotlar İsrail Hava Qüvvələrinin əsas tərkib hissəsi hesab olunurlar və hər həftə hava tapşırıqları yerinə yetirirlər. Bu pilotlar Hava Qüvvələrinin rəsmi pilotları ilə birgə onlarla əməliyyatda iştirak ediblər.
Etirazçı pilotların sözlərinə görə, Netanyahunun demokratiya əleyhinə qanun tərtib etməkdən əl çəkmək fikri yoxdur və diktator hakimiyyətinə tərəf qəti mövqe seçib. Buna görə də xidmətlərini davam etdirmək onlar üçün çətindir.
Eyni zamanda İsrail ordusunun 100 həkimi artıq orduda xidmət etməyə hazır olmadıqlarını bildiriblər.
Ötən çərşənbə günü də pilotlar, kəşfiyyat zabitləri, dron opertatorları və gözətçı qüllələrində çalışan işçilərdən olan 100 nəfər Netanyahuya etiraz olaraq işi davam etdirməkdən çəkindiklərini bildiriblər.
Qəzetlərdən birinin verdiyi hesabatda bildirilib ki, israilli pilotlardan bir neçəsinin Netanyahunu Londona aparmaqdan boyun qaçırmasından sonra o, səfərini təxirə salmağa məcbur olub.
İbri saytı yazıb ki, 8200 batalyonundakı İsrail ordusunun zabitləri və ehtiyat qüvvələri, Netanyahunun cümə axşamı günü axşam etdiyi çıxışdan sonra hərbi xidmətdən imtina ərizəsini imzalayıblar. İsrailin 8200 batalyonu, eşitmə, kompüter kodlarının açılması, kiber müharibə və müdafiə, hər növ zərərli proqramların hazırlanması və casusluq, məlumat toplama yaxud mümkün olan texniki avadanlıqlardan istifadə etməklə digər ölkələrə zərbə vurmaq üçün lazım olan işləri yerinə yetirmə kimi missiyaları həyata keçirən, bu rejimin elektron ordusunun idarəedici qoludur.
Netanyahunun başçılıq etdiyi sionist rejiminin Nazirlər Kabineti, cari ilin Yanvar ayının 4-ü rejimin “məhkəmə sisteminin islahatlar”-ı üçün layihə təqdim edib. İllərdir fəsad, rüşvət və əmanətə xəyanət ittihamları ilə məhkəmə nəzarəti altında olan Netanyahu, “məhkəmə sistemində islahatlar” adlandırdığı layihə ilə məhkəmədən qaçmaq fikrindədir.
