İşğalçı sionist hərbiçilərinin bazar günü səhər, İordan çayının qərb sahillərinin şimalında yerləşən Nablus şəhərinə hücumları zamanı fələstinli bir gənc yaralanıb.
Fələstin Səhiyyə Nazirliyi bildirib: Sionist hərbiçilərinin Nablusa olan hücumunda əl və ayaq nahiyəsindən yaralanmış bir nəfər fələstinli, Rəfidiya Dövlət Xəstəxanasına aparılıb.
Yerli mənbələr də bildiriblər ki, sionistlərin Nablusa hücumunda fələstinli iki gənc həbs olunub.
İşğalçı hərbiçilər həmçinin, işğal olunmuş Qüdsün Əl-İsaviyyə məntəqəsi əhalisinin gənclərindən olan “Əhməd Heysəm Mahmud”-un mənzilinə hücum etməklə, onu həbs edib, evinin mebel və lavazimatlarını dağıdıblar.