Bir sionist hərbiçi cümə günü Nablus şəhərində yerləşən Həvare şəhərciyində insanların və mediyanın gözləri önündə özünü müdafiə bəhanəsi ilə bir fələstinlini soyuqqanlıqla öldürüb.
Sionist mediyası cümə günü iddia edib ki, rejim əsgərləri bir “terror” əməliyyatının qarşısını alıb və terror əməliyyatçısını güllə ilə öldürüblər.
Bu hadisə İordan çayının qərb sahillərində yerləşən Nablusun Həvare şəhərciyində baş verib. İsrail rejimi ordusu və bu rejimin mediyaları baş verən hadisəni öz istədikləri kimi qələmə verib, şəhid olmuş gənc fələstinlini isə hücum amili elan etməyə çalışıblar.
Buna baxmayaraq bir neçə saat sonra sionistlərin nəql etdiklərini təkzib edən sionist əsgərinin “Əmmar Muflih”-ə açdığı atəş anı videoları mediyada yayılıb.
Bu videolarda şəhid Muflih və sionist əsgərinin tutuşduğu, Muflihin əlində heç bir isti və soyuq silahın olmadığı və yalnız, sionist əsgərinin onu həbs etməməsi üçün müqavimət göstərdiyi göstərilir. Muflihə gücü çatmadığından belindəki silahı götürərək onun sinəsinə bir neçə güllə vurur. Bu, təhlükənin qarşısının alınması üçün olan göstərişlərin ziddinədir və bədənin aşağı hissəsinə güllə atılmalıdır.
Sioinistlərin cinayət səhnəsində hazır olan iki nəfərin fələstinli gənci sionist əsgərlərinin əlindən alması üçün etdikləri cəhd, onların tutuşmasının göstəricisidir. Şəhid Muflihin sionist əsgərinə hücum etmə səyi iddiası isə kökündən yalandır və hadisə şahidləri mediya ilə müsahibələrində sionistlərin bu iddiasını təkzib ediblər.
Sionistlərin bu cinayəti fələstinliləri şoka salıb. Çünki, sionist hərbiçisi iddianın əksinə olaraq, şəhid Muflihi ara məsafəsi olmadan meydanda bilərəkdən öldürüb və hətta, səhnədə hazır olanlara şəhidə kömək etmələrinə icazə verməyib.
Səraya əl-Qüds (Cəbə qrupunun qolu), bu cinayətlərə qarşı intiqam olaraq sionist əleyhinə əməliyyatların olacağını xəbər verib, Cəbə və Əcə bölgələrində sionistlərin nəzarət məntəqələrinə hücum edərək atəş açıblar.
Sionist hərbiçisi cinayətinə haqq qazandırmaq üçün qəzetlərdən birinə deyib: Bildim ki, əgər o, mənim silahımı götürsə, böyük hücum baş verəcək.
Sionist hərbiçisinin bu addımı Sərhəd Mühafizəsinin komandirinin təqdirinə layiq olub və (komandir) deyib ki, (hərbiçi) qəhrəmancasına addım atıb.