Fələstinli mənbələr Nablus şəhərinin şərqində siyonist köçkünlərinin Hz. Yusif (ə) məqbərəsinə etdikləri hücumda bir cavanın şəhid olmasını xəbər veriblər.
Xarici KİV-in verdiyi məlumata əsasən, Noyabr ayının 9-u səhər saatlarında Bəlate düşərgəsinin əhalisindən olan Mehdi Həşşaş adında fələstinli bir cavan Hz. Yusif (ə) məqbərəsinə edilən hücumda, siyonist köçkünləri ilə toqquşmada şəhadətə çatıb.
Bu toqquşmada 57-dən cox gənc yaralanıb. Qırmızı Aypara Cəmiyyətinin dediyinə görə, bu toqquşmada Mehdi Həşşaş adında bir cavan qarın və ayaq nahiyələrindən ağır səkildə yaralanmış və sonradan ailəsi onun şəhadətə çatdığını elan etmişdir.
Xarici KİV-in verdiyi məlumata görə, yerli mənbələr xəbər veriblər ki, fələstinli mübarizlər Nablus şəhərinin şərqində Oman prospektində və Bəlate düşərgəsində siyonist əsgərlərinə tərəf geniş şəkildə atəş açıblar. Siyonist əsgərləri və onlarla cavan arasında ağır toqquşma baş verib.
Fələstinli mənbələr xəbər veriblər ki, siyonist köçkünləri, siyonist əsgərlərinin güclü himayəsi ilə Hz. Yusif (ə) məqbərəsinə hücum ediblər.
