Mossad rəhbərinin keçmiş müavini və sionist rejiminin yüksək rütbəli zabiti sionist rejimi ordusunun İordan çayının qərb sahillərində hərbi cinayətlər törətməsini etiraf etməklə, bu rejimin rəftarının nasist Almaniyasını xatırlatdığını təsdiqləyib.
Sionist rejimi ordusunun ehtiyat qüvvələrinin təqaüdə çıxmış yüksək rütbəli zabiti və Mossad rəhbərinin keçmiş müavini “Əmiram Levin”, Avqusutun 13-ü deyib: “İsrail ordusu nasist Almaniyası dövrü kimi İordan çayının qərb sahillərində hərbi cinayətlər törədir və orada ayrı-seçkilik sistemini icra edir.”
O, verdiyi müsahibədə deyib: “İsrail ordusu nasist Almaniyasındakı hadisələri xatırladan dərin hadisələrlə, hərbi cinayətlərə şərik olub.”
Xarici KİV-in verdiyi məlumata görə, sionist rejimi ordusunun həmişə hərbi cinayətlər törətməsinə baxmayaraq, Levinin bu sözlərinin məqsədi sionist rejimində köçkünlərin sayının artması və onların rəhbərlərinin hazırkı kabinetdə əsas nazirlərə çevrilmələridir.
Bir zamanlar işğal olunmuş Fələstinin şimal bölgəsindəki komandirlərdən sayılan sionist rejiminin bu təqaüdçü generalı deyib: Əgər Əl-Xəlil ətrafında gəzsəniz, küçələrdə gəzə bilməyən ərəbləri görəcəksiniz. Bu, ağrı vericidir, xoşa gələn deyil. Amma bu, həqiqətdir. Daha yaxşı olar ki, mümkün qədər onunla üzləşəsiniz, görməməzlikdən gəlməyəsiniz.
Levin əlavə olaraq deyib: Netanyahu baş nazir olaraq uzun müddət qüdrət başında olub. Məsihçi bir qrup (xilaskarı və Məsihi gözləyən), cinayətkarlar və demokratiyanın nə olduğunu bilməyən dağın arxasında gənclər onun zəifliyindən istifadə etdilər. Bin Gvir dəmir barmaqlıqlar arxasına gedərək həbs olunmalıdır.
O, əlavə olaraq deyib: “Netanyahu istəyir ki, ölkənin açarlarını içərilərində cinayətkar və hərbi xidmətdən qaçanlar olan bir qrup şəhvətpərəst nazirə tapşıraq. Onlar demokratiyanın nə olduğunu bilməyən yalançı və cinayətkar nazirlərdir. Onlar və köməkçiləri elə bir bölgədə (İordan çayının qərb sahillərindəki sionistlərin yaşadığı qəsəbələrə işarə edib) böyüyüblər ki, orada demokratiya yoxdur.”
Levin sözlərinin davamında Maliyyə naziri “Bezalel Smotriç”, Milli Təhlükəsizlik naziri “İtemar Bin Gvir” və onlarla eyni partiyadan olan nazirlərə işarə edərək deyib: “Onlar İsrail hakimiyyəti altındakı fələstinlilərə qarşı cinayət törədilməsinə təşviq edən nazirlərdirlər. Dövlət büdcəsini qarət edən irqçi bir nazir ərəb olduqlarına görə, büdcəni ərəblərdən əsirgəyir.”
Mossad rəhbərinin keçmiş müavini Ədliyyə naziri “Yario Levin” barəsində də deyib: O, müstəqil məhkəmə sistemi olamayan vahid hömkranlıq istəyir. Biz Netanyahu və kabinetinə İsraili diktatorluğa çevirmələrinə icazə verməyəcəyik. Bu işə icazə verməyəcəyik və qalib gələnə qədər sakit olmayacağıq.”
Netanyahu və kabinetinin ötən Yanvar ayından qəbul olunması və icra olunmasına israr etdikləri Məhkəmə Dəyişiklikləri layihəsi sionist rejimində ciddi parçalanmaya və ən böyük etiraz hərəkatlarından birinin ortaya çıxmasına səbəb olub. Knessetdəki müxalifət koalisiyasının bu layihəyə qarşı küçə etirazları və hüquqi şikayətləri davam edir. 30 həftədən çoxdur ki, sionistlər Netanyahunun “məhkəmə islahatları” və müxalifətin “məhkəmə çevrilişi” adlandırdıqları bu layihəyə etiraz olaraq küçələrə çıxırlar.
Xarici KİV-in veridiyi məlumata görə, bu etirazlar işğalçı rejimin ordusuna da keçib. Ehtiyat qüvvələrin bir çox zabit və əsgərləri öz xidmətlərini dondurublar. Bu hərbi itaətsizliklər sionist rejiminin Ordu Qərargahının, Mossadın və ictimai təhükəsizliyin (Şabak) keçmiş rəhbərləri tərəfindən dəstəklənir.
Əlaqədar xəbərlər
