Bu gün, bazar günü sionist rejimin Qəzzə zolağındakı Deyr əl-Bələh şəhərinə etdiyi vəhşi hücumda, avtomobildə olan 6 fələstinli qardaş və onların dostu şəhid oldular.
“Əhməd, Mahmud, Məhəmməd, Mustafa, Zəki və Abdullah Əbu Məhadi” həftənin bazar günü (13 Aprel) Deyr əl-Bələhdə dostları Abdullah əl-Həbaşla birlikdə sionist rejimin hədəfində olan və şəhid olan altı qardaş idi.
Qətərin xəbər kanalı bu məsələ ilə bağlı sosial mediada bu cinayətin geniş şəkildə işıqlandırılmasını əks etdirən reportaj dərc edərək həyata doğru irəliləyən və ən sadə xəyalları cızan qardaşların Deyr əl-Bələhdə ər-Rəşid küçəsində işğalçılar tərəfindən hədəf alınaraq bu dünyadan birlikdə getdiklərini yazıb.
Sosial şəbəkə istifadəçilərdən biri yazıb: “Gənclik illərində və çiçəklənən, ay kimi gözəl olan altı qardaş öz torpaqlarında bir göz qırpımında və tamamilə soyuqqanlılıqla İsrail döyüş maşını tərəfindən öldürüldü”. “Bir neçə qısa anın içində Hacı İbrahim Əbu Mehdi istisnasız olaraq bütün övladlarını itirdi”.
Digəri isə yazıb: “Qəzzədə daha bir qaranlıq səhər, dözülməz kədər və ağrı ilə dolu bir səhər”. Bu suallar həmişə qalır: Kim bu qəzanı kompensasiya edə bilər? Kədərli valideynlərə kim bir az dinclik gətirə bilər? Bəşəriyyətin bütün sərhədlərini aşan bu qəddarlığı kim dayandıra bilər?