Livanın yerli mənbələri İsrailin pilotsuz uçuş aparatının Livanın cənubunda bir avtomobilə hücum etdiyini və nəticədə 2 nəfərin şəhid olduğunu, 3 nəfərin isə yaralandığını bildiriblər.
Livan mediası çərşənbə axşamı günü qeyd olunan avtomobilin Livanın cənubundakı Baraşit və Beyt Yahun məntəqələri arasında dron hücumuna məruz qaldığı barədə məlumat verib.
Xarici KİV-in verdiyi məlumata görə, ölkənin xilasetmə qüvvələri fasiləsiz olaraq hadisə yerinə yollanıblar. Həmçinin ilkin məlumatlar bu hücumda 3 nəfərin yaralandığını göstərir. Bundan əlavə, xəbər agentliklərindən birinin Livandakı müxbiri 2 nəfərin şəhid olduğunu bildirib.
Sionist rejiminin ordusu ötən aylar ərzində Livanın cənubunda bir neçə avtomobilə və motorsikletə hücum edib. Livan rəsmiləri indiyə qədər İsrail rejiminin qırıcıları və dronları tərəfindən dəfələrlə hava məkanlarının pozulduğunu BMT-yə bildirib və bu rejimdən şikayət ediblər. Buna baxmayaraq, İsrailin Livan torpaqlarına hücumları və bu ölkənin hava məkanını pozması davam edir.