Livandakı xəbər agentliklərindən birinin müxbiri İsrail rejiminin Livanın Bəqa vilayətində yerləşən Səhmər və Beyt Səlibi kəndlərinə hücumları nəticəsində 30-dan çox insanın şəhid olduğu barədə məlumat verib.
Müxbir vurğulayıb ki, düşmən sionist Bəlbəək şəhərini, Dorus və Eyn Burzay bölgələrini bombalayacağı ilə bağlı yenidən təhdidlər edib.
Sionist ordusu Bəqa vilayəti və Livanın cənubundakı 15 kəndin əhalisindən bu bölgələri tərk etmələrini istəyib.
Digər tərəfdən də, sionist rejimi tərəfindən Bədnayil kəndində bombalanmış bir evdən 2 uşaq və 4 qadın da daxil olmaqla, 8 şəhid cənazəsi tapılıb.
Yerli mənbələr bildiriblər ki, bombalanmış bütün bölgələr yaşayış bölgələri olub və sionist rejimin iddiasının əksinə olaraq orada heç bir növ silah və ya raket buraxılış platforması olmayıb.
Livan Səhiyyə Nazirliyi sionist rejimi tərəfindən şiddətli şəkildə bombalanmış Bəlbəəkdə 60 livanlının şəhid olduğunu açıqlayıb.