Sionist rejiminin radikal köçkünləri yenidən Məscidul-Əqsaya hücum ediblər.
Yüzlərlə sionist köçkün çərşənbə axşamı səhər, polis hərbiçilərinin təhlükəsizlik tədbirləri ilə Məscidul-Əqsaya daxil olublar. Məlumata əsasən, radikal yəhudi ravvin “Yəhuda Qoling” də Məscidul-Əqsaya hücum edənlər arasında olub.
Yerli mənbələr bu barədə deyiblər ki, sionist rejimi hərbiçiləri Məscidul-Əqsanın həyətlərinə hücum edərək köçkünlərin oraya hücumu üçün zəmin yaradıblar.
Bu mənbələrin bildirdiklərinə görə, 11 qrupdan ibarət 551 radikal köçkün çərşənbə axşamı səhər saatlarından Məscidul-Əqsaya hücuma başlayıblar və onların sayı artmaqda olub. Sionistlər məscidə daxil olduqdan sonra təhrikedici hərəkətlər ediblər.
Eyni zamanda ibri televiza kanallarından biri də namaz qılanların Məscidul-Əqsaya daxil olmalarının qarşısının alınmasının ardınca fələstinlilərlə sionist rejimi hərbiçiləri arasında gərginliyin yaranması haqda məlumat verib.
Bu Tv kanal deyib: Yəhudilərin “Pasxa” (Pak) bayramının 6-cı günündə Məscidul-Əqsanın qapılarında yerləşdirilən işğalçı İsrail rejiminin hərbiçiləri, namaz qılanlardan bir çoxunun, xüsusən də gənclərin bu gün sübh namazını qılmaq üçn Məscidul-Əqsaya girmələrinə mane olublar.
Məscidul-Əqsanın mühafzəçilərindən biri, bu barədə deyib ki, Məscidul-Əqsanın qapıları açıldı, amma qapılardakı işğalçı qüvvələr sübh namazını qılmaq üçün 50 yaşdan aşağı şəxslərin daxil olmasının qarşısını alıblar.
Mənbələr həmçinin, sionistlərin hücumunun ardınca Məscidul-Əqsanın daxilində yaranmış gərginlik barədə xəbər veriblər.
Həftənin bazar ertəsi günü səhər də Qüds İslami Vəqflər İdarəsi 1500-dən çox radikal sionistin Məscidul-Əqsaya hücum barəsində xəbər vermişdi.
Məscidul-Əqsa son günlər ərzində sionist hərbiçilərinin və köçkünlərinin davamlı hücumları ilə üzləşib; işğal olunmuş ərazilərdə gərginliyin artması ilə nətcələnən və geniş beynəlxalq qınaqlara səbəb olan hərəkətlər.