Xarici KİV-in verdiyi məlumata görə, sionist köçkünlərinin Fələstin vətəndaşlarına qarşı hücumları İordan çayının qərb sahillərinin bütün şəhərlərində və köçkünlərin silahlandırılması üçün rəsmi çağırışlarla eyni vaxtda davam edir.
Xəbər agentliklərindən birinin müxbiri Raya Əruq verdiyi canlı müsahibədə sionist köçkünlərinin Sələfiyyət və Nablus şəhərlərinə hücumlarının davam etməsini təsdiqləməklə yanaşı bildirib ki, bu hücumların bəzisi maşınların və ticarət mağazalarının yandırılması, zeytun agaclarının kəsilməsi, Fələstin vətəndaşlarının öz torpaqlarına daxil olmalarının qarşısının alınması və Həvare şəhərinin torpaqlarının müsadirə olunmasından ibarət olub.
O, köçüknlərin İordan çayının qərb sahillərinin bütün şəhərlərindəki hücumlarını təsdiqləyərək radikal köçkünlərin sayının çoxluğuna görə, ən ağır hücumların Nablusda, Sələfiyyətdə və Həvaredə baş verdiyini bildirib.
Xəbər agentliyinin müxbiri əlavə edib ki, sionist rejiminin ekstremist naziri Ben Gvir hələ də köçkünklərin silahlandırılmasını vurğulayır. Faktlar 7 Oktyabr tarixindən etibarən 26 000-dən çox köçkünün silahlandığını göstərir.
Raya Əruq bildirib ki, hal-hazırda İordan çayının qərb sahillərində gərginliyin artmasına görə, Fələstin vətəndaşları bir şəhərdən başqa bir şəhərə yaxud şəhərdən kəndlərə və düşərgələrə gedə bilmirlər.