Ərəb KİV-i müxtəlif sionist qrumlarına qarşı kiberhücumların əhatə dairəsinin genişləndirilməsi ilə bağlı qeydində yazıb ki, bu, Tel-Əvivi, xüsusən də, hakerləri dəhşətə gətirib.
Zaman-zaman sionist rejimin hökuməti, təhlükəsizlik orqanları, özəl və həssas internet saytları kiberhücumlara məruz qalır və onların mənbəyi çox vaxt gizli saxlanılır.
Sionist mediası ötən bazar ertəsi axşam xəbər verib ki, sionist rejimin Nazirliklərinin bütün internet saytları kiber hücuma məruz qalıb və sıradan çıxıb. İsrail hökuməti özlərinə məxsus saytlara giriş edə bilməyiblər.
“Haaretz” qəzeti dövlətə məxsus bir neçə internet saytının “vurulduğunu”, Daxili İşlər, Səhiyyə, Ədliyyə, Rifah Nazirliklərinin internet saytlarının sıradan çıxdığını yazıb.
“Rai Al-Youm” qəzeti yazıb: “Kiberhücumlar sionist rejimi qorxuya salan, onların hərəkətini bir düymə ilə iflic edən və münaqişənin qaydalarını və balansını müəyyənləşdirən ən təhlükəli gizli düşməndir.
Sionist hökumətin kiberhücumlardan qorunmaq üçün ən müasir, bahalı proqram və qurğularla təchiz olunmasına baxmayaraq, bu müasir texnologiya İsrailə o qədər də kömək etməyib.
Çünki son hücum bu işğalçı rejimin saytlarını məhv edib, onun ən həssas və mühüm saytlarını sıradan çıxarıb.
Məhz buna görə də “intihar hücumları” termini İsrail rəsmilərinin son kiberhücumları təsvir etmək üçün istifadə etdiyi sonuncu ifadə idi.
“İsrael Hayom” qəzeti sionist rejimin rəsmi siyasi mənbələrinə istinadən yazır ki, ötən bazar ertəsi hökumət saytlarının hacker hücumu ilə vurulması bir ölkənin və ya bir neçə hakerin eyni vaxtda fərqli yerlərdən kiber hücumunun nəticəsidir.
Qəzetin yazdığına görə, qabaqcıl texnologiya sisteminə malik bir ölkə olduğu düşünülən hücumu həyata keçirən tərəf İran və ya başqa bir ölkə ola bilər.
Kiberhücumlar – Tel-Əvivi dəhşətə gətirən gizli düşmən
